नवी दिल्ली : लोकसभेतील विरोधी पक्षनेते आणि काँग्रेस खासदार अधीर रंजन चौधरी ( MP Adhir Ranjan Chowdhury ) यांनी राष्ट्रपती द्रौपदी मुर्मू यांच्यावर केलेल्या वक्तव्यावरून संसदेत गदारोळ झाला. याप्रकरणी केंद्रीय मंत्री स्मृती इराणी यांनी काँग्रेसवर जोरदार निशाणा साधला. यावेळी त्यांनी सोनिया गांधींना या प्रकरणी माफी मागण्यासही सांगितले. काँग्रेसच्या हंगामी अध्यक्षा सोनिया गांधी आणि स्मृती इराणी यांच्यातही खडाजंगी झाली. ( Dont Talk To Me Sonia Replied Smriti )
सोनिया गांधींनी धमकावले :त्याचवेळी अर्थमंत्री निर्मला सीतारामन ( Finance Minister Nirmala Sitharaman ) यांनी काँग्रेस अध्यक्षा सोनिया गांधी यांनी सभागृहात भाजप नेत्यांना धमकावल्याचा आरोप केला आहे. ते म्हणाले की, जेव्हा रमा देवी सोनिया गांधींशी बोलत होत्या त्यावेळी भाजप नेत्यांनी त्यांच्याशी बोलायचं प्रयत्न केला. त्यावेळी काँग्रेस अध्यक्षांनी त्यांना सांगितले - आई डॉन्ड वान्ट टू टॉक टू यू (म्हणजे मला तुमच्याशी बोलायचे नाही). सूत्रांनी दिलेल्या माहितीनुसार, दुसरीकडे सभागृहाच्या आवारात सोनिया गांधी आणि स्मृती इराणी यांच्यात जोरदार वादावादी झाली. सोनिया गांधींनी आपल्याला धमकी दिल्याचा आरोप स्मृतींनी केला आहे.