ഇടുക്കി: ആക്ഷേപത്തിനിടയാക്കിയ മാലിന്യക്കൂന നീക്കി പൂന്തോട്ട നിര്‍മ്മാണത്തിന് തുടക്കമിട്ട് അടിമാലി ഗ്രാമപഞ്ചായത്ത്. അടിമാലി ബസ് സ്റ്റാന്‍ഡിനോട് ചേര്‍ന്ന് സ്വകാര്യ വ്യക്തിയുടെ സ്ഥലത്ത് മാലിന്യം കുമിഞ്ഞ് കൂടുകയും ദുര്‍ഗന്ധം ഉയരുകയും ചെയ്‌തതോടെ നവമാധ്യമങ്ങളിലടക്കം വലിയ തോതില്‍ പ്രതിഷേധം ഉയര്‍ന്നിരുന്നു. വിഷയം ശ്രദ്ധയില്‍പ്പെട്ട പഞ്ചായത്ത് അധികൃതര്‍ പ്രശ്‌നത്തില്‍ ഇടപെടുകയും മാലിന്യക്കൂന നീക്കം ചെയ്‌ത് പൂന്തോട്ടം നിര്‍മിക്കാന്‍ തീരുമാനിക്കുകയായിരുന്നു.
മാലിന്യം നീക്കി പൂന്തോട്ട നിര്‍മ്മാണത്തിന് തുടക്കമിട്ട് അടിമാലി ഗ്രാമപഞ്ചായത്ത്