മാഡ്രിഡ്: സ്‌പാനിഷ് ക്ലബ് എഫ്‌സി ബാഴ്‌സലോണയില്‍ കൊവിഡ് വ്യാപനം തുടരുന്നു. യുവതാരം പെഡ്രിക്കും പുതിയതായി ടീമിലെത്തിയ ഫെറാന്‍ ടോറസിനും കൊവിഡ് സ്ഥിരീകരിച്ചതായി ക്ലബ് അറിയിച്ചു. ഇരുവരും വീടുകളില്‍ ഐസോലേഷനിലാണെന്ന് ക്ലബ് വ്യക്തമാക്കിയിട്ടുണ്ട്.
പരിക്കിന്‍റെ പിടിയിലായിരുന്ന പെഡ്രി ടീമിലേക്ക് തിരിച്ചെത്താനിരിക്കെയാണ് കൊവിഡ് സ്ഥിരീകരിച്ചത്. കാലിന് പരിക്കേറ്റതിനെ തുടര്‍ന്നാണ് പെഡ്രിക്ക് ടീമില്‍ നിന്നും വിട്ട് നില്‍ക്കേണ്ടിവന്നത്.
നേരത്തെ സെര്‍ജിയോ ഡെസ്റ്റ്, ഫിലിപ്പെ കുട്ടീഞ്ഞോ, അബ്‌ദെ ഒസുമാനെ ഡെംബലെ, സാമുവൽ ഉംറ്റിറ്റി, ഗാവി, ആലെസാണ്ട്രോ ബാൽദെ, ക്ലെമന്‍റ് ലെങ്‌ലെറ്റ്, ജോർഡി ആൽബ, ഡാനി ആൽവ്‌സ് തുടങ്ങിയ താരങ്ങള്‍ക്കും കൊവിഡ് സ്ഥിരീകരിച്ചിരുന്നു.