ರಾಮನಗರ :ಕೌಟುಂಬಿಕ ಕಲಹದಿಂದ ಬೇಸತ್ತು ತಾಯಿ, ಮಗಳ, ಮೊಮ್ಮಗಳು ಕೆರೆಗೆ ಹಾರಿ ಆತ್ಮಹತ್ಯೆ ಮಾಡಿಕೊಳ್ಳಲು ಪ್ರಯತ್ನಿಸಿರುವ ಘಟನೆ ನಡೆದಿದೆ. ರಾಮನಗರ ಜಿಲ್ಲೆ ಮಾಗಡಿಯ ಗೌರಮ್ಮನ ಕೆರೆಗೆ ಹಾರಿದ್ದ ಮೂವರಲ್ಲಿ ಓರ್ವ ತಾಯಿ ಸಾವನ್ನಪ್ಪಿದ್ದು, ಇಬ್ಬರನ್ನು ಸ್ಥಳೀಯರು ರಕ್ಷಿಸಿದ್ದಾರೆ.
ಮಾಗಡಿಯ ನೇಯಿಗೆ ಬೀದಿ ನಿವಾಸಿ 50 ವರ್ಷದ ಶಾಂತಾ ಬಾಯಿ ಮೃತ ಮಹಿಳೆ. ಉಷಾಬಾಯಿ ಹಾಗೂ ನಿರ್ಮಲಾ ಬಾಯಿ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಶಾಂತಾಬಾಯಿ, ಮಗಳು, ಮೊಮ್ಮಗಳು ಸೇರಿ ಮೂವರು ತಡರಾತ್ರಿ ಕೆರೆಗೆ ಹಾರಿದ್ದರು.