ವಿಶ್ವದ ಅತಿ ಉದ್ದದ ಕಾರ್ಟೂನ್ ಬಿಡಿಸಿ ಗಿನ್ನೆಸ್ ದಾಖಲೆ ಬರೆದ ಕೇರಳ ಬೆಡಗಿ

ಕೋಯಿಕ್ಕೋಡ್ (ಕೇರಳ):404 ಮೀಟರ್ ಉದ್ದದ ಕ್ಯಾನ್ವಾಸ್​​ನಲ್ಲಿ ಕಾರ್ಟೂನ್​​ಗಳನ್ನು ಚಿತ್ರಿಸುವ ಮೂಲಕ ಕೇರಳದ ಕೋಯಿಕ್ಕೋಡ್​​ನ ರೋಶ್ನಾ (19) ಎಂಬ ಯುವತಿ ಗಿನ್ನೆಸ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್​ಗೆ ಪ್ರವೇಶಿಸಿದ್ದಾರೆ. ಈ ಕಾರ್ಟೂನ್ ಇದೀಗ​​ ವಿಶ್ವದ ಅತಿ ಉದ್ದದ ಕಾರ್ಟೂನ್ ಆಗಿದ್ದು, ಈ ಸಾಧನೆ ಮಾಡಿದ ಮೊದಲ ಭಾರತೀಯಳು ಎನಿಸಿಕೊಂಡಿದ್ದಾರೆ.

2015 ರಲ್ಲಿ ರೋಶ್ನಾ ವಿಶ್ವದ ಅತಿದೊಡ್ಡ ಚುನಾವಣಾ ಪೋಸ್ಟರ್‌ಗಾಗಿ ಗಿನ್ನೆಸ್​​ ದಾಖಲೆ ನಿರ್ಮಿಸಲು ಪ್ರಯತ್ನಿಸಿ ವಿಫಲವಾಗಿದ್ದರು. ಕೊನೆಗೂ ಕಾರ್ಟೂನ್ ಮೂಲಕ ಗಿನ್ನೆಸ್ ದಾಖಲೆ ಬರೆದಿರುವುದು ಸಂತೋಷವಾಗಿದೆ. ಇದನ್ನು ಬಿಡಿಸಲು ನನಗೆ 20 ದಿನಗಳು ಬೇಕಾಯಿತು ಎಂದು ರೋಶ್ನಾ ಪ್ರತಿಕ್ರಿಯಿಸಿದ್ದಾರೆ.

ಇದನ್ನೂ ಓದಿ: Guinness World Records: ಅಮೆರಿಕಾದ ಈಕೆ ವಿಶ್ವದಲ್ಲೇ ಅತ್ಯಂತ ಅಗಲವಾದ ಬಾಯಿ ಹೊಂದಿರುವ ಮಹಿಳೆ

ಪ್ರಸಿದ್ಧ ಕಾರ್ಟೂನಿಸ್ಟ್ ಎಂ ದಿಲೀಪ್​​ ಅವರ ಮಗಳಾಗಿರುವ ರೋಶ್ನಾ ವ್ಯಂಗ್ಯಚಿತ್ರದಲ್ಲಿ ಪರಿಣಿತೆ ಹೊಂದಿದ್ದಾಳೆ. ಈ ಹಿಂದೆ ದುಬೈನಲ್ಲಿ ನಡೆದ 'ಗ್ಲೋಬಲ್ ವಿಲೇಜ್ ಸೀಸನ್ -25' ರಲ್ಲಿ ಕೂಡ ರೋಶ್ನಾ ಪ್ರಶಸ್ತಿ ಗೆದ್ದಿದ್ದರು. Roch Art ಹೆಸರಿನ ತನ್ನ ಯೂಟ್ಯೂಬ್ ಚಾನೆಲ್​ನಲ್ಲಿ ಕಾರ್ಟೂನ್ ತರಗತಿಗಳನ್ನು ನಡೆಸುತ್ತಾರೆ.