કુતિયાણામાં ટેકાના ભાવે ચણા ખરીદીમાં અવ્યવસ્થા સર્જાઈ

પોરબંદરના કુતિયાણામાં ખરીદ કેન્દ્ર પર વહેલી સવારથી જ ખેડૂતો પોતાના ચણા લાવીને ટેકાના ભાવે વેચવા આવ્યા હતા, પરંતુ ખરીદ કેન્દ્ર પર એક જ વજન કાંટો હોવાને કારણે ખેડૂતોની ચણા ખરીદીમાં વ્યવસ્થા ખોરંભાઇ હતી.

• વહેલી સવારમાં ચણા લઈને ખરીદ કેન્દ્ર પર આવેલ ખેડૂતોની કતારો લાગી
• યોગ્ય વ્યવસ્થા નહીં થવાથી કોંગ્રેસે આંદોલનની ચીમકી ઉચ્ચારી
• અધિકારીઓ એ ભૂલ સ્વીકારી કોન્ટ્રાક્ટરને આપશે નોટિસ

પોરબંદર: 1 એપ્રિલથી ચણાના ટેકાના ભાવે ખરીદી કરવામાં આવી રહી છે. પોરબંદરના કુતિયાણા તાલુકામાં પણ ચણાના ટેકાના ભાવે ખરીદી કેન્દ્ર પર ખરીદી કરવાનું શરૂ કરાયું છે. ત્યારે રજિસ્ટ્રેશન કરાવ્યું હોવા છતાં વારો ન આવતા ખેડૂતોમાં રોષ ભભૂકી ઉઠયો હતો. મજુરોની અછત હોવાના કારણે વ્યવસ્થાતંત્ર ખોરંભાઇ જતું હોવાનું અધિકારીઓએ સ્વીકાર્યું હતું. ત્યારે યોગ્ય વ્યવસ્થા નહીં થવાથી કોંગ્રેસે આંદોલનની ચીમકી ઉચ્ચારી છે.

બપોર સુધીમાં માત્ર 6 ખેડૂતોના ચણા જોખવામાં આવ્યા

પોરબંદરના કુતિયાણામાં ખરીદ કેન્દ્ર પર વહેલી સવારથી જ ખેડૂતો પોતાના ચણા લાવીને ટેકાના ભાવે વેચવા આવ્યા હતા, પરંતુ ખરીદ કેન્દ્ર પર એક જ વજન કાંટો હોવાને કારણે ખેડૂતોની ચણા ખરીદીમાં વ્યવસ્થા ખોરંભાઇ હતી. આ અંગે ખરીદ કેન્દ્રના અધિકારી માવદીયા સાથે વાત કરતાં તેઓએ જણાવ્યું હતું કે, ચણાના ટેકાના ભાવે ઘઉંની ખરીદી પ્રક્રિયામાં કોન્ટ્રાક્ટ આપવામાં આવ્યો હોય, પરંતુ કોન્ટ્રાકટરના 4 મજુરો આવ્યા ન હોવાથી આ અવ્યવસ્થા સર્જાઈ છે.

આ પણ વાંચો:ચણા, રાયડો અને તુવેરની ટેકાના ભાવે ખરીદી બાબતે સરકારની જાહેરાત, મગફળીનું ખરીદી પૂર્ણતાને આરે

બપોર સુધીમાં માત્ર 6 જ ખેડૂતોના ચણાની ખરીદી કરાઈ

જ્યારે આ બાબતે અધિકારીઓને જાણ કરાઇ છે અને કોન્ટ્રાક્ટરને પણ નોટિસ પાઠવવામાં આવશે તેવું જણાવ્યું હતું. જ્યારે ગઈકાલે સોમવારે બપોર સુધીમાં માત્ર 6 જ ખેડૂતોના ચણાની ખરીદી કરાઈ હતી. જ્યારે એક દિવસમાં 40 જેટલા ખેડૂતોનું રજિસ્ટ્રેશન કરેલું હતું અને તેઓ સવારથી રાહ જોઇને ઊભા હતા. આ તકે કોંગ્રેસ સમિતિના પ્રમુખ નાથા ભાઈ ઓડેદરા પણ દોડી ગયા હતા અને જો યોગ્ય વ્યવસ્થા ન કરવામાં આવે તો આંદોલનની ચીમકી ઉચ્ચારી હતી. ખેડૂતોને ન્યાય ન મળે તો જેલ ભરો આંદોલન કરશે તેવું જણાવ્યું હતું.

આ પણ વાંચો:ચણાની ખરીદી કેન્દ્રએ ખેડૂતોનો હલ્લાબોલ, ઇન્ટરનેટ સહિતની સુવિધા આપવા માગ