લ્યો બોલો ! રજાના દિવસે પણ RTOમાંથી લાઈસન્સ કાઢી આપતા, સાઈબર ક્રાઈમે દબોચી લીધા
અમદાવાદ: આરટીઓ કચેરીમાં મસમોટુ કૌભાંડ સામે આવ્યું છે. અમદાવાદનાં વસ્ત્રાલમાં આવેલી પૂર્વ આરટીઓમાં 25 ડિસેમ્બર 2018નાં રોજ રજાના દિવસે 120 લાઈસન્સ બેકલોક થયા હોવાનું સામે આવ્યું હતુ. આ અંગે RTO કચેરીની કર્મચારી દ્વારા ક્રાઇમ બ્રાંચમાં ફરિયાદ પણ નોંધાવાઇ હતી. જે સમગ્ર મામલો સાયબરક્રાઇમ પાસે પહોંચ્યો હતો. ત્યારે આ મામલે સાયબર ક્રાઇમ દ્વારા 4 લોકોની ધરપકડ કરાઇ છે.
રજાના દિવસે RTOમાંથી લાયસન્સ કાઢી આપનારા 4ની ધરપકડ
રજાનાં દિવસે RTOમાં થયેલા કૌભાંડને પગલે RTO અધિકારી દ્વારા બેકલોક થયેલા 120 લાઇસન્સને રદ કરી દેવાયા હતા. તેમજ આ મામલે RTO કચેરીનાં જ કોઇ કર્મચારીની સંડોવણી હોય તેવી ચર્ચાએ જોર પકડ્યું હતુ. આ સમગ્ર મામલાને લઇને સાયબર ક્રાઇમ દ્વારા જીગ્નેશ મોદી, જામનગરનાં ગૌરવ સાપોવડિયા, સંદિપ મારકણા તેમજ સંકેત રફાલીયા નામનાં શખ્સની ધરપકડ કરી છે.