સુરત: ઓરિસ્સા રાજ્યના ગંજામ જિલ્લાના પાટટપુર પોલીસ મથક (pattapur police station odisha)માં પકડાયેલા 3 કરોડના ગાંજાના ગુનામાં (Marijuana Smuggling In Odisha) ભાગતા ફરતા આરોપીને સુરત ક્રાઈમ બ્રાંચની ટીમે સુરતથી ઝડપી પાડ્યો હતો. સુરતક્રાઈમ બ્રાંચની ટીમે (surat crime branch team) બાતમીના આધારે કતારગામ ગજેરા સર્કલ (katargam gajera circle) પાસેથી આરોપી સંજય હારી ગૌડને ઝડપી પાડ્યો હતો.
આરોપી સંતોષ મલ્લિકનો સાગરિત છે સંજય ગૌડા
આરોપી સુરતના અમરોલી વિસ્તાર (crime in surat amroli )માં રહેતો હતો અને હીરા ઘસવાનું કામ કરતો હતો. પોલીસ તપાસમાં હકીકત જાણવા મળી હતી કે, 30-06-2021 રોજ ઓરિસ્સા પાટુંપુર પોલીસે એક ઘરમાં રેડ કરી હતી, જ્યાંથી 81 ગુણમાં 3 કરોડની કિંમતનો 3,157 કિલો ગાંજો ઝડપાયો હતો, જેમાં 8 લોકો વિરુદ્ધ ગુનો નોંધવામાં આવ્યો હતો. આ ગુનામાં પકડાયેલા આરોપી સંતોષ મલ્લિકનો સાગરિત હાલમાં પકડાયેલો આરોપી સંજય ગૌડા છે. અને ધંધામાં ભાગીદાર છે. સંજય ગૌડા પોલીસ પકડથી બચવા માટે સુરત આવી ગયો હતો અને અહીં ચોરીછુપીથી રહેવા લાગ્યો હતો.