Rahul Gandhi Twitter: રાહુલ ગાંધીએ પોતાની ટ્વિટર પ્રોફાઇલ બદલી, લખ્યું - DisQualified MP

રાહુલ ગાંધીને 'મોદી સરનેમ' માનહાનિ કેસમાં દોષિત ઠેરવ્યા બાદ લોકસભામાંથી અયોગ્ય ઠેરવવામાં આવ્યા હતા. આ બાદ કોંગ્રેસના પૂર્વ સાંસદ રાહુલ ગાંધીએ પોતાના ટ્વિટર પ્રોફાઇલનો બાયો બદલ્યો છે. તેણે પોતાના ટ્વિટર બાયોમાં 'Dis'Qualified MP' લખ્યું છે.

નવી દિલ્હી:કેરળના વાયનાડથી કોંગ્રેસના પૂર્વ સાંસદ રાહુલ ગાંધીએ પોતાની ટ્વિટર પ્રોફાઇલ બદલી છે. રાહુલ ગાંધીએ પોતાના ટ્વિટર બાયોમાં 'ડિસ ક્વોલિફાઈડ એમપી' લખ્યું છે. તમને જણાવી દઈએ કે, રાહુલ ગાંધીને 'મોદી સરનેમ' માનહાનિ કેસમાં દોષિત ઠેરવ્યા બાદ લોકસભામાંથી અયોગ્ય ઠેરવવામાં આવ્યા હતા. આ પછી રાહુલ ગાંધીએ પોતાના ટ્વિટર પ્રોફાઇલના બાયોમાં 'અયોગ્ય' સાંસદ લખ્યું છે.

આ પણ વાંચો:99th edition of 'Mann Ki Baat' today: પીએમ મોદીએ અંગદાનને પુણ્યનું કામ કહ્યું, અબત કૌરની કહાની કહી

કોંગ્રેસ પાર્ટી વિરોધમાં: જો કે, કોંગ્રેસ રાહુલ ગાંધીની ગેરલાયકાતના મુદ્દાને ગંભીરતાથી લઈ રહી છે. રવિવારે કોંગ્રેસ પાર્ટી વિરોધમાં મહાત્મા ગાંધીની પ્રતિમાઓ સામે એક દિવસીય સત્યાગ્રહ કરી રહી છે. રાજઘાટ પર આયોજિત સંકલ્પ સત્યાગ્રહ માટે દિલ્હી પોલીસે મંજૂરી આપી નથી. રાજઘાટ પર આયોજિત સંકલ્પ સત્યાગ્રહમાં કોંગ્રેસના ટોચના નેતાઓએ ભાગ લીધો હતો. કોંગ્રેસ અધ્યક્ષ મલ્લિકાર્જુન ખડગે અને પ્રિયંકા ગાંધી સહિત પાર્ટીના તમામ મોટા નેતાઓ કાર્યક્રમમાં પહોંચ્યા છે.

આ પણ વાંચો:રાહુલના સવાલો હવે દેશભરમાં ગુંજશે, પ્રિયંકા ગાંધીએ મોદી સરકાર પર કર્યો પ્રહાર

લોકશાહી માટે લડતા રહેશે:તમને જણાવી દઈએ કે, વાયનાડના પૂર્વ સાંસદ રાહુલ ગાંધીને ગુજરાતની એક અદાલતે 'મોદી સરનેમ' માનહાનિ કેસમાં દોષિત ઠેરવ્યા હતા અને 2 વર્ષની સજા સંભળાવી હતી, ત્યારબાદ શુક્રવારે રાહુલ ગાંધીને લોકસભાના સભ્યપદેથી અયોગ્ય ઠેરવવામાં આવ્યા હતા. તેના પર કોંગ્રેસનું કહેવું છે કે, ન્યાયની આ લડાઈમાં આખી પાર્ટી રાહુલ ગાંધીની સાથે ઉભી છે. લાખો કોંગ્રેસીઓ અને દેશની જનતા તેમની સાથે છે. બીજી તરફ વાયનાડથી કોંગ્રેસના પૂર્વ સાંસદ રાહુલ ગાંધીએ એક પ્રેસ કોન્ફરન્સમાં ભાજપ પર જોરદાર પ્રહારો કર્યા, તેમણે કહ્યું કે, ભલે તેમને જેલમાં જવું પડે, પરંતુ તેઓ લોકશાહી માટે લડતા રહેશે.

આ પણ વાંચો:ISRO Launch of LVM3: ISRO એ LVM-III પર અવકાશમાં 36 OneWeb ઈન્ટરનેટ ઉપગ્રહો લોન્ચ કર્યા