જૂનાગઢઃ આગામી 7મી મેના દિવસે ગુજરાતની તમામ 26 લોકસભા બેઠક પર મતદાન થવાનું છે. મતદારોમાં વિશેષ જાગૃતિ આવે તે માટે ખાસ અભિયાનની શરૂઆત કરવામાં આવી છે. જૂનાગઢના ડૉક્ટર એસોસિયેશન દ્વારા ડૉક્ટર્સ દ્વારા લખવામાં આવતા પ્રીસ્ક્રિપ્શન પર 7મી તારીખે અચૂક મતદાન કરીએ તેવો સ્ટેમ્પ લગાડીને દર્દીને આપવામાં આવી રહ્યો છે. દર્દીની સાથે તેમના પરિવારજનો પણ 7મી તારીખે બંધારણે આપેલો મતદાનના અધિકારનો ઉપયોગ કરે તે માટેની અપીલ કરવાનો હેતુ આ અભિયાનનો છે.
જૂનાગઢમાં મતદાન જાગૃતિ માટે અનોખી પહેલ, અચૂક મતદાનની અપીલ કરતો સ્ટેમ્પ તૈયાર કરાયો - Loksabha Election 2024
Published : Mar 31, 2024, 6:32 PM IST
લોકસભા ચૂંટણી માટે 7મી મેના રોજ મતદાન ગુજરાતમાં યોજાશે. મતદાનમાં પ્રત્યેક મતદાર ભાગ લે, મતદાન માટે જાગૃત થાય તે માટે જૂનાગઢ ડૉક્ટર એસોસિયેશને અનોખી પહેલ કરી છે. જૂનાગઢના તમામ ડૉકટર્સ પોતાના પ્રીસ્ક્રિપ્શન પર મતદાનની અપીલ દર્શાવતો સ્ટેમ્પ લગાડશે. વાંચો સમગ્ર સમાચાર વિસ્તારપૂર્વક. Loksabha Election 2024
પર્યટન સ્થળ પર પણ ઉલ્લેખઃ ડૉક્ટર્સ એસોસિએશન દ્વારા અચૂક મતદાન સ્ટેમ્પની શરૂઆત કરવામાં આવી છે. તે જ પ્રમાણે જૂનાગઢના પર્યટન સ્થળ અને હરવા ફરવાની જગ્યા પર પણ મતદાન જાગૃતિ માટે અભિયાન શરુ કરાયા છે. ઉપરકોટ, મહોબ્બતનો મકબરો, સક્કરબાગ પ્રાણી સંગ્રહાલય જેવા પર્યટન સ્થળોએ કોઈ પ્રવાસી પ્રવેશ ટિકિટ મેળવે ત્યારે તેની ટિકિટ પર 7મેના રોજ અચૂક મતદાન કરીએ તેવો સ્ટેમ્પ લગાવામાં આવી રહ્યો છે. જેનાથી મતદાન માટેની જાગૃતિમાં વધારો કરી સરવાળે મતદાનની ટકાવારી વધારી શકાય. મતદાન પ્રત્યેના ઉત્સાહને વધારવા માટે આ ખાસ અભિયાન જૂનાગઢમાં શરૂ કરાયું છે.
જે રીતે આપણે ચક્ષુદાન, દેહદાન, અંગદાન વગેરે કરીને માનવતાની સેવા કરીએ છીએ તે જ રીતે ભારતના નાગરિક તરીકે નૈતિક જવાબદારી સ્વીકારીને આપણે મતદાન અવશ્ય કરવું જ જોઈએ. અમે દરેક ડૉકટર્સ પ્રીસ્ક્રિપ્શન પર અચૂક મતદાન કરો તેવું દર્શાવતો સ્ટેમ્પ લગાડીએ છીએ. જેથી દર્દી અને તેના પરિવારજનોને મતદાન માટે પ્રેરણા મળે...ડૉ.શૈલેષ બારમેડા(તબીબ,જૂનાગઢ)