Attempt to murder : শহুৰেকৰ চোকা অস্ত্ৰৰ আক্ৰমণত গুৰুতৰভাৱে আহত জোঁৱায়েক
Published : Sep 1, 2023, 8:21 PM IST
মৰিগাঁও, 1 ছেপ্টেম্বৰ : মৰিগাঁও সমীপৱৰ্তী দক্ষিণ চ'বড়ী নিগমত লোমহৰ্ষক ঘটনা সংঘটিত হৈছে ৷ শহুৰেকৰ চোকা অস্ত্ৰৰ আক্ৰমণত গুৰুতৰভাৱে আহত হয় জোঁৱায়েক টুলটুল ডেকা ৷ এই ঘটনা সংঘটিত কৰা শহুৰেক নাম ৰাজেন মেধি বুলি জানিব পৰা গৈছে । জানিব পৰামতে জোঁৱায়েক আৰু শহুৰেকৰ প্ৰায়েই বিবাদ চলি আহিছিল ৷ প্ৰায় দুই তিনিদিনৰ অন্তৰে অন্তৰে হৈ থকা এই কাজিয়াৰ মীমাংসা কৰিবলগীয়া হৈছিল গাঁওবাসীয়ে ৷ ফলত অতিষ্ঠ হৈ পৰিছিল গাঁওবাসীও ৷
ইফালে ৰাজেন মেধি গাঁৱৰ পাঠেক তথা ভকত বুলি জানিবলৈ দিয়ে গাঁৱৰ লোকে ৷ তেওঁ কি কাৰণত এই ঘটনাটো সংঘটিত কৰিলে সেয়া জানিব পৰা হোৱা নাই ৷ গুৰুতৰভাৱে আঘাতপ্ৰাপ্ত লোকজনক স্থানীয় গাঁওৰক্ষী বাহিনীয়ে উদ্ধাৰ কৰি মৰিগাঁৱৰ শ্বহীদ তিলক হেমৰাম গুণাভিৰাম অসামৰিক চিকিৎসালয়ত চিকিৎসাৰ ব্যৱস্থা কৰাৰ লগতে সমগ্ৰ ঘটনা সন্দৰ্ভত মৰিগাঁও আৰক্ষীক খবৰ দিয়ে।