আমি আমাৰ বয়োজ্যেষ্ঠসকলৰ পৰা প্ৰায়ে শুনি আহিছো যে খাদ্য লাহে লাহেকৈ খাব লাগে আৰু চোবাই খাব লাগে, কিন্তু আজিৰ দ্ৰুতগতিত চলি থকা জীৱনত বেছিভাগ মানুহৰে সময় নাই, সেয়ে তেওঁলোকে খুব সোনকালে খোৱাৰ কাম শেষ কৰিব বিচাৰে ।
আপুনি নিশ্চয় দেখিছে যে, পুৱাৰ ভাগত অফিচলৈ যাবলৈ খৰখেদা কৰি মানুহে খাদ্য ভালদৰে চোবাই নাখায় । ইয়াৰ বাহিৰেও আমি অফিচৰ দুপৰীয়াৰ আহাৰ গ্ৰহণৰ সময়তো ৰাজধানী এক্সপ্ৰেছৰ দৰে গতিবেগ বৃদ্ধি কৰো, যাতে আমি লগে লগে কামলৈ যাব পাৰো, কিন্তু এই কাম কৰি আমি নিজকে ক’ৰবাত নহয় ক’ৰবাত অসুস্থ কৰি তুলিব পাৰো ।
খোৱাত কিমান সময় দিব লাগে ?
এই সন্দৰ্ভত চিকিৎসকে কয় যে, যদি আপুনি সুস্থ হৈ থাকিব বিচাৰে তেন্তে খাদ্য খোৱাৰ বাবে আপুনি প্ৰায় ২৫ৰ পৰা ৩০ মিনিট সময় দিব লাগে । সম্পূৰ্ণ চোবাই লাহে লাহে খাব লাগে । সাধাৰণতে এটা টুকুৰা ২০ৰ পৰা ৩০ বাৰ চোবাই খাব লাগে ।
বেছি খৰকৈ খোৱাৰ পাৰ্শ্বক্ৰিয়া
১) যদি আপুনি বুলেট ট্ৰেইনৰ গতিৰে খাদ্য সম্পূৰ্ণ কৰে, তেন্তে ডিঙিত টুকুৰাটো আৱদ্ধ হৈ পৰিব পাৰে, যদি ই কেতিয়াবা ডিঙিৰ নলীত আৱদ্ধ হৈ পৰে তেন্তে বিপদজনক পৰিস্থিতিৰ সৃষ্টি কৰিব পাৰে ।