মৰাণ ৰজা ‘জৰোচা’ৰ সংৰক্ষিত স্থানত নামফলক স্থাপন
তিনিচুকীয়া, 18 ডিচেম্বৰ: তিনিচুকীয়া জিলাৰ লক্ষীপথাৰ বনাঞ্চলত(Lakhipathar Forest) মৰাণ ৰজা(Moran King) ‘জৰোচা’ৰ সংৰক্ষিত স্থানত দেওবাৰে নামফলক স্থাপন । উল্লেখ্য যে, অসমৰ ভূমি পুত্ৰ মৰাণ সকলৰ সপ্তম শতিকাৰ ৰজা ‘জৰোচা’ৰ(Moran King Jorosa) কীৰ্তিচিহ্ন সমূহ সংৰক্ষিত কৰিবলৈ এই পদক্ষেপ হাতত লৈছে অসম মৰাণ সভা মাকুম আঞ্চলিক সমিতি(Moran Sabha), সদৌ মৰাণ ছাত্ৰ সন্থাকে(All Moran Students' Union) ধৰি মৰাণ জনগোষ্ঠীৰ ভগ্নী সংগঠন মৰাণ জাতীয় মহিলা পৰিষদে(Moran Mahila Jatiya Parishad) ৷
তিনিচুকীয়া জিলাৰ লক্ষীপথাৰ বনাঞ্চলৰ অন্তৰ্গত খেতৌগুটি বাৰীত থকা মৰাণ ৰজা ‘জৰোচা’ৰ ঐতিহাসিক কীৰ্তিচিহ্নসমূহ সংৰক্ষণৰ বাবে দেওবাৰে তিনিওটা সংগঠনৰ উদ্যোগত মৰাণ জনগোষ্ঠীয় ভকতবৃন্দৰ উপস্থিতিত সম্পূৰ্ণ নীতি-নিয়মেৰে আনুষ্ঠানিকভাৱে নাম ফলক স্থাপন কৰা হয় ।