তেজপুৰ, 2 ফেব্ৰুৱাৰী: দেশৰ কেইবাখনো ৰাজ্যৰ বিধানসভা নিৰ্বাচনৰ দিন সমাগত । চুবুৰীয়া ৰাজ্য ত্ৰিপুৰা, নাগালেণ্ড আৰু মেঘালয়ত অনুষ্ঠিত হ’ব বিধানসভা নিৰ্বাচন ৷ লগতে অৰুণাচল প্ৰদেশৰ টাৱাং জিলাৰ 1নং লুমলা এছ টি বিধানসভা সমষ্টিৰ উপ-নিৰ্বাচনৰ বাবে বৃহস্পতিবাৰে মনোনয়ন পত্ৰ দাখিল কৰা হয়(By election in arunachal pradesh) । 1নং লুমলা এছ টি সমষ্টিৰ বাবে প্ৰাক্তন বিধায়ক জম্বে তাছিৰ(Arunachal Pradesh MLA Jambey Tashi dies) পত্নীয়ে বিজেপি দলৰ পৰা মনোনয়ন পত্ৰ দাখিল কৰে ।
উল্লেখ্য যে, লুমলা সমষ্টিৰ বিধায়কগৰাকীৰ বিগত বৰ্ষৰ 2 নৱেম্বৰত দুৰাৰোগ্য ৰোগত মৃত্যু ঘটিছিল । তেওঁৰ মৃত্যুৰ পাচত নিৰ্বাচন আয়োগে উক্ত সমষ্টিৰ বাবে উপ-নিৰ্বাচনৰ দিন ঘোষণা কৰে ৷ অৰুণাচল চৰকাৰে জম্বে তাছিৰ পত্নী চেৰিং লহামুক এইবাৰ উপ-নিৰ্বাচনৰ বাবে উক্ত সমষ্টিৰ বাবে মনোনীত কৰে । বৃহস্পতিবাৰে চেৰিং লহামুয়ে টাৱাং জিলাৰ উপায়ুক্ত তথা জিলা নিৰ্বাচনী বিষয়াৰ ওচৰত মনোনয়ন পত্ৰ দাখিল কৰে(Arunachal Lumla constituency) ।
উপ-নিৰ্বাচনৰ বাবে বৃহস্পতিবাৰৰ পৰা অহা 7 ফেব্ৰুৱাৰীলৈকে মনোনয়ন পত্ৰ দাখিল কৰিব পাৰিব আৰু 8 ফেব্ৰুৱাৰীত মনোনয়ন পত্ৰৰ পৰীক্ষা সম্পন্ন হ’ব(Lumla Bypoll In Arunachal) ৷ আনহাতে, 10 ফেব্ৰুৱাৰীত মনোনয়ন পত্ৰ প্ৰত্যাহাৰ কৰিব পাৰিব । উল্লেখ্য যে, বিগত সপ্তাহত অৰুণাচল প্ৰদেশৰ একমাত্ৰ আঞ্চলিক ৰাজনৈতিক দল পিপলছ পাৰ্টি অৱ অৰুণাচল (Peoples Party of Arunachal) য়ে লুমলাৰ গাঁও বুঢ়া লেকি নৰবোৰ নাম ঘোষণা কৰিছিল প্ৰাৰ্থীত্বৰ বাবে । লুমলা সমষ্টি অনুসূচীতৰ বাবে (ST) ৰ বাবে সংৰক্ষিত সমষ্টি (Lumla constituency by election)।