মাজুলী-যোৰহাট সংযোগী দলং নিৰ্মাণক লৈ মাজুলীৰ ঘৰে ঘৰে মাটি চাকি প্ৰজ্বলন

মাজুলীৰ সত্ৰ সমূহৰ লগতে প্ৰতি খন গাঁৱৰ প্ৰতিটো পদূলিত জ্বলিছে এগছিকৈ বন্তী ৷ মাজুলীৰ বহু প্ৰত্যাশিত মাজুলী-যোৰহাট সংযোগী দলং নিৰ্মাণৰ ভূমি পূজন অনুষ্ঠানৰ প্ৰাকক্ষণত এগছকৈ বন্তি প্ৰজ্বলন কৰিছে মাজুলীবাসীয়ে ৷ বৃহস্পতিবাৰে প্ৰধানমন্ত্ৰী নৰেন্দ্ৰ মোডীয়ে ভাৰ্চুৱেলী শুভাৰম্ভ কৰিব মাজুলী আৰু যোৰহাট সংযোগী দলং নিৰ্মাণৰ আধাৰশিলা ৷

মাজুলী, 17 ফেব্ৰুৱাৰী:বৃহস্পতিবাৰে অনুষ্ঠিত হ'বমাজুলীবাসীৰ বহু প্ৰত্যাশিত মাজুলী-যোৰহাট সংযোগী দলঙৰ ভূমি পূজন অনুষ্ঠান ৷ প্ৰধানমন্ত্ৰী নৰেন্দ্ৰ মোডীয়ে ভাৰ্চুৱেলী শুভাৰম্ভ কৰিব মাজুলী আৰু যোৰহাট সংযোগী দলং নিৰ্মাণৰ আধাৰশিলা ৷

এই উপলক্ষে বুধবাৰে মাজুলীৰ প্ৰতিঘৰ মানুহৰ পদূলিয়ে পদূলিয়ে সকলোৱে এগছকৈ বন্তি প্ৰজ্বলন কৰা পৰিলক্ষিত হয় ৷ বহু প্ৰত্যশিত দলং খনৰ সপোন অৱশেষত পূৰণ হ'বলৈ গৈ থকা বুলি জানি এতিয়া উৎফুল্লিত হৈ পৰিছে মাজুলীবাসী ৰাইজ ৷ দলং নিৰ্মাণক লৈ আনন্দত আত্মহাৰা হৈ পৰা ৰাইজৰ মতে বৃহস্পতিবাৰৰ পৰাই মাজুলীবাসীৰ যাতায়তৰ ক্ষেত্ৰত এক নতুন অধ্যায়ৰ সূচনা হ'ব ৷

উল্লেখ্য যে, যোৰহাট সংযোগী দলং খনৰ ভূমি পূজনৰ প্ৰাক ক্ষণত প্ৰতিঘৰ মাজুলীবাসীৰ লগতে মাজুলীৰ প্ৰতিখন সত্ৰ, প্ৰতিতো নামঘৰ, প্ৰতিখন গাঁৱৰ পদুলিয়ে পদূলিয়ে এগছকৈ মাটিৰ চাকি জ্বলি উঠা দেখিবলৈ পোৱা গ'ল ৷

লগতে পঢ়ক:কাইলৈ প্ৰধানমন্ত্ৰীয়ে স্থাপন কৰিব ধুবুৰী-ফুলবাৰী দলঙৰ আধাৰশিলা