গুৱাহাটী, ২০ ডিচেম্বৰ : ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মাৰ সহধৰ্মিনী ৰিণিকি ভূঞা শৰ্মা সমন্বিতে পৰিয়ালৰ লোক ব্যাপক ভূমি কেলেংকাৰী আৰু অবৈধ ধনৰ সৰবৰাহৰ সৈতে জড়িত হোৱা বুলি উত্থাপিত অভিযোগ(Land grabbing allegation on CM'S family)ৰ তদন্ত বিচাৰি ভাৰতৰ প্ৰধানমন্ত্ৰীলৈ স্মাৰকপত্ৰ প্ৰেৰণ কৰিছে অসম জাতীয় পৰিষদে৷ সোমবাৰে দলৰ জিলা সমিতিসমূহে প্ৰধানমন্ত্ৰীলৈ লিখা স্মাৰকপত্ৰ সংশ্লিষ্ট জিলাৰ উপায়ুক্তৰ হাতত অৰ্পন কৰে(AJP demands inquiry on land grabbing case) ৷
নগাঁও, লখিমপুৰ, ডিব্ৰুগড়, তিনিচুকীয়া, বাক্সা, কামৰূপ, মৰিগাঁও, হোজাই, দৰং, শোণিতপুৰ, বৰপেটা, শিৱসাগৰ, হাইলাকান্দিকে ধৰি দলৰ আটাইকেইখন জিলা সমিতিয়ে উক্ত স্মাৰকপত্ৰসমূহ সংশ্লিষ্ট জিলা উপায়ুক্তৰ হাতত হাতত প্ৰদান কৰে ৷ আনহাতে স্মাৰকপত্ৰৰ একোটাকৈ প্ৰতিলিপি ডাকযোগেও প্ৰধানমন্ত্ৰীৰ কাৰ্যালয়লৈ প্ৰেৰণ কৰে দলৰ জিলা সমিতিমূহে (AJP district committee's memorandum to PM) ৷