যোৰহাট, 16 আগষ্টঃ যোৰহাট জগন্নাথ বৰুৱা মহাবিদ্যালয়ত সাহিত্য অকাডেমিৰ উদ্যোগত মহাবিদ্যালয়ৰ অসমীয়া বিভাগ আৰু ইংৰাজী বিভাগৰ সহযোগত "অসমীয়া কবিতা আৰু অসমৰ জনজাতীয় কবিতাৰ ধাৰা আৰু গতি-প্ৰকৃতি" শীৰ্ষক বিশেষ আলোচনা চক্ৰ, আৰু মহিলা লেখকৰ বিশেষ সাহিত্যানুষ্ঠান"অস্মিতা"সম্পন্ন হয়।
জে বি মহাবিদ্যালয়ত সাহিত্যানুষ্ঠান "অস্মিতা"
জে বি মহাবিদ্যালয়ত সাহিত্য অকাডেমিৰ আলোচনাচক্ৰ আৰু "অস্মিতা" অনুষ্ঠান সম্পন্ন। উল্লেখযোগ্য যে, আনুষ্ঠানিক ভাৱে অসমীয়া ভাষাত জনজাতীয় কবিতা সম্পৰ্কে বিশদ ভাৱে আলোচনা কৰাৰ প্ৰয়াস এয়ে প্ৰথম ৷
জে বি মহাবিদ্যালয়ত সাহিত্যানুষ্ঠান "অস্মিতা"
মহাবিদ্যালয় খনৰ অধ্যক্ষ ড৹ বিমল বৰাৰ সঞ্চালনাত অনুষ্ঠিত উদ্বোধনী অনুষ্ঠানত সাহিত্য অকাডেমিৰ আঞ্চলিক সচিব ড৹ দেবেন্দ্ৰ কুমাৰ দেৱে আদৰণি ভাষন দিয়ে৷ ইয়াৰ পিছতেই অসমীয়া বিভাগৰ মূৰব্বী অধ্যাপিকা ড৹ জ্যোতিৰেখা হাজৰিকাই আলোচনাচক্ৰৰ বিষয় সন্দৰ্ভত আলোকপাত কৰে। উক্ত অনুষ্ঠানত সাহিত্য অকাডেমিৰ শিশু সাহিত্যিক বটাঁপ্ৰাপক স্বামিম নাছৰিন, গল্পকাৰ দীপাঞ্জলী বৰা,ঔপন্যাসিক পূণ্য দেৱী,কবি ড৹ নমিতা চুতীয়া শইকীয়া,আৰু লোক-সংস্কৃতিৰ গৱেষক তথা গল্পকাৰ ড৹ ৰাজশ্ৰী হাজৰিকাই গল্প আৰু কবিতা পাঠ কৰে। ড৹ কৰৱী ডেকা হাজৰিকাৰ সঞ্চালনাত দিনযোৰা কাৰ্য্যসূচিৰে উক্ত অনুষ্ঠানতো সম্পন্ন হয়। উল্লেখযোগ্য যে আনুষ্ঠানিক ভাৱে অসমীয়া ভাষাত জনজাতীয় কবিতা সম্পৰ্কে বিশদ ভাৱে আলোচনা কৰাৰ প্ৰয়াস এয়ে প্ৰথম৷