ডিমা হাছাও, 8 নৱেম্বৰঃ লংকাৰ পৰা উমৰাঙচো দুইলেনযুক্ত ঘাইপথ নিৰ্মাণৰ কাম লেহেমিয়া কৰাৰ অভিযোগ উঠিছে ভাৰ্তিয়া কনষ্ট্ৰাক্সন নামৰ নিৰ্মাণ প্ৰতিস্থানটোৰ বিৰুদ্ধে । উল্লেখযোগ্য যে, লংকাৰ পৰা উমৰাঙচো সংযুক্ত দুইলেন ঘাইপথ নিৰ্মাণৰ বাবে বিগত 7 মাহৰ আগত কামৰ দায়িত্ব দিয়া হৈছে ভাৰ্তিয়া কনষ্ট্ৰাক্সন নামৰ নিৰ্মাণ প্ৰতিস্থানটোক । কিন্তু এতিয়া এই নিৰ্মাণ প্ৰতিস্থানটোৰ বিৰুদ্ধে পথ নিৰ্মাণৰ কাম লেহেমীয়াকৈ কৰাৰ অভিযোগ উঠিছে।
লংকাৰ পৰা উমৰাঙচো সংযুক্ত দুইলেনযুক্ত ঘাইপথ নিৰ্মাণৰ কামত হেমাহি
ইপিনে লংকাৰ পৰা উমৰাঙচোলৈ সংযুক্ত দুইলেন পথ নিৰ্মাণৰ কাম পৰিদৰ্শন কৰাৰ বাবে শনিবাৰে উমৰাঙচোত উপস্থিত হয় ৰাজ্যৰ গৰকপ্তানী বিভাগৰ কমিছনাৰ ৰাজেশ কেম্প্ৰাই। উল্লেখযোগ্য যে, কেন্দ্ৰীয় চৰকাৰ ডনাৰ মন্ত্ৰালয়ৰ অধীনস্থ অসম মালা প্ৰকল্পত 200 কোটি টকা ব্যয় কৰি উক্ত দুইলেন পথ নিৰ্মাণৰ দায়িত্ব দিয়া হৈছিল উক্ত প্ৰতিস্থানটোক ।