স্পৰ্টছ ডেস্ক, 3 জুন: ছ'চিয়েল মিডিয়াৰ যোগেদি এইবাৰ বিতৰ্কৰ মাজত সোমাই পৰিছে ভাৰতীয় ক্ৰিকেট দলৰ প্ৰাক্তন ক্ৰিকেটাৰ যুৱৰাজ সিং। শেহতীয়াকৈ ৰোহিত শৰ্মাৰ সৈতে ইনষ্টাগ্ৰাম লাইভ চেচনত বাৰ্তালাপ কৰি থকাৰ মাজতেই ভাৰতীয় দলৰে স্পীনাৰ যুজৱেন্দ্ৰ চহলৰ সন্দৰ্ভত যুৱৰাজ সিঙে এক জাতিগত মন্তব্য কৰাৰ পাচতেই ছ'চিয়েল মিডিয়াত সৃষ্টি হৈছে ব্যাপক প্ৰতিক্ৰিয়াৰ ।
দৰাচলতে ইনষ্টাগ্ৰামত ৰোহিত আৰু যুৱৰাজ সিঙে ক্ৰিকেট,কৰ'ণা ভাইৰাছ আৰু ব্যক্তিগত জীৱন,ভাৰতীয় ক্ৰিকেটাৰ সকলৰ ওপৰত শেহতীয়াকৈ বাৰ্তালাপ কৰি আছিল। সেই সময়তে ক্ৰিকেটাৰ কুলদ্বীপ যাদৱ আৰু যুজৱেন্দ্ৰ চহলে এই বাৰ্তালাপৰ মাজতেই কমেন্ট কৰি আছিল। তেতিয়াই যুৱৰাজ সিং কৈছিল- কিছুমান...মানুহৰ একো কাম নাই নেকি,য়ুজিক চা...য়ুজিয়ে কেনেকুৱা ভিডিঅ' প'ষ্ট কৰি আছে।