নেশ্যনেল ডেস্ক,১৬ এপ্ৰিল :দেওবাৰে অৰ্থাৎ আজি চিবিআইৰ কাৰ্যালয়ত হাজিৰ হ'ব দিল্লীৰ মুখ্যমন্ত্ৰী অৰবিন্দ কেজৰিৱাল (Delhi CM Kejriwal at CBI office)। তাৰ পূৰ্বে কেজৰিৱালে টুইটাৰত প্ৰকাশ কৰিলে এটা বিশেষ ভিডিঅ' বাৰ্তা । ভিডিঅ' বাৰ্তাত কেজৰিৱালে কয় যে কেন্দ্ৰত থকা বিজেপিয়ে নিৰ্দেশ দিলে চিবিআইয়ে তেওঁক গ্ৰেপ্তাৰ কৰিব । পুৱাই মুকলি কৰা এটা ভিডিঅ' বাৰ্তাত কেজৰিৱালে কয় যে চিবিআইয়ে তেওঁক মাতিছে আৰু তেওঁ নিশ্চিতভাৱে যাব ।
মুখ্যমন্ত্ৰীগৰাকীৰ মতে তেওঁলোক অতি শক্তিশালী, তেওঁলোকে যিকোনো লোককে কাৰাগাৰলৈ প্ৰেৰণ কৰিব পাৰে । যদি বিজেপিয়ে চিবিআইক অৰবিন্দ কেজৰিৱালক গ্ৰেপ্তাৰ কৰিবলৈ নিৰ্দেশ দিছে, তেন্তে চিবিআইয়ে নিশ্চিতভাৱে সেই নিৰ্দেশনা পালন কৰিব বুলিও তেওঁ কয় । তেওঁ লগতে কয় যে বিজেপিয়ে তেওঁক দুৰ্নীতিগ্ৰস্ত বুলি কৈছে । কেজৰিৱালে কয় যে তেওঁ আয়কৰ বিভাগৰ এগৰাকী আয়ুক্ত আছিল, তেওঁ বিচাৰিলে কোটি টকা উপাৰ্জন কৰিব পাৰিলোহেঁতেন । তেওঁ দাবী কৰে যে যদি অৰবিন্দ কেজৰিৱাল দুৰ্নীতিগ্ৰস্ত হয় তেন্তে এই পৃথিৱীত সৎ কোনো নাই (Kejriwal video message on CBI summons)।