নেশ্যনেল ডেস্ক,17 জুন : অল ইণ্ডিয়া আন্না ড্ৰাবিড়া মুনেত্ৰা কাঝাগাম (AIADMK) দলৰ প্ৰাক্তন অন্তৱৰ্তীকালীন সাধাৰণ সম্পাদিকা ভি.কে. শশীকলা (V. K. Sasikala)ৰ বিৰুদ্ধে এক প্ৰস্তাৱ প্ৰেৰণ কৰিছে দলটোৱে ৷ দলটোৰ নেতা চি. ভে. শ্বনমুগাম (C.Ve. Shanmugham)য়ে বৃহস্পতিবাৰে কয় যে, শশীকলা আৰু তেওঁৰ পৰিয়ালৰ কোনো সদস্যকে পুনৰ দলটোত প্ৰৱেশ কৰিবলৈ অনুমতি প্ৰদান কৰা নহয় ৷
প্ৰাক্তন মন্ত্ৰী শ্বনমুগামে কয় যে, শশীকলাই পুনৰ দলত যোগদানৰ আশা কৰিলেও, তেওঁৰ সেই আশাক কোনেও সমৰ্থন নকৰে ৷ শশীকলাৰ ষড়যন্ত্ৰৰ বাবে প্ৰয়াত মুখ্যমন্ত্ৰী জয়াললিতা (Jayalalitha)ই কাৰাগাৰৰ শাস্তি খাবলগীয়া হৈছিল বুলি মন্ত্ৰীগৰাকীয়ে অভিযোগ উত্থাপন কৰে ৷