খ্ৰীষ্টমাছৰ নিশা ক’ভিড প্ৰট’কল উলংঘন কৰাৰ অভিযোগত আটক 1000

গ্ৰেট বিটেইনৰ পৰা কেৰালালৈ অহা আঠজন লোকৰ ক’ভিড পৰীক্ষণক লৈ ৰাজ্যখনৰ চৰকাৰ তথা প্ৰশাসন অধিক সৰ্তক হৈ আছে ৷ লোককেইজনৰ ক’ভিড পৰীক্ষণৰ নমুনা সংগ্ৰহ কৰি ইতিমধ্যে পুণেৰ নেচনেল ইনষ্টিটিউট অৱ ভাইৰ’লজীলৈ প্ৰেৰণ কৰা হৈছে ।

নিউজ ডেস্ক, 26 ডিচেম্বৰ: কেৰালাত খ্ৰীষ্টমাছৰ নিশা ক’ভিড প্ৰট’কল উলংঘন কৰি ডি জে পাৰ্টিত অংশগ্ৰহণ কৰাৰ অভিযোগত আৰক্ষীয়ে শনিবাৰে এহেজাৰ লোকৰ বিৰুদ্ধে গোচৰ ৰুজু কৰে । কেৰালাৰ ৰাজধানী পৌজিয়ুৰত য়ুথ কলেকটিভ অৰ্গনাইজেশ্যনৰ সদস্যই খ্ৰীষ্টমাছ পাৰ্টীৰ আয়োজন কৰিছিল বুলি জানিব পৰা হৈছে । উদ্যোক্তাসকলে আৰক্ষীৰ পৰা প্ৰয়োজনীয় অনুমতি লৈহে এই পাৰ্টীৰ আয়োজন কৰাৰ কথা উল্লেখ কৰে যদিও আৰক্ষীয়ে এই কথা অস্বীকাৰ কৰে ৷

গ্ৰেট বিটেইনৰ পৰা কেৰালালৈ অহা 8 জন লোকক লৈ ৰাজ্যখনৰ চৰকাৰ তথা প্ৰশাসন বৰ্তমান অধিক সৰ্তক হৈ আছে ৷ লোককেইজনৰ ক’ভিড পৰীক্ষণৰ নমুনা সংগ্ৰহ কৰি পুণেৰ নেচনেল ইনষ্টিটিউট অৱ ভাইৰ’লজীলৈ প্ৰেৰণ কৰা হৈছে । কেৰালাৰ স্বাস্থ্যমন্ত্ৰী কে.কে শৈলজাই ৰাজ্যখনত হাই এলাৰ্ট জাৰি কৰাৰ লগতে স্বাস্থ্য বিভাগো সতৰ্ক হৈ থকাৰ কথা জানিবলৈ দিয়ে ৷

স্বাস্থ্যমন্ত্ৰীগৰাকীয়ে এই ভাইৰাছৰ আনুবংশিক সংবিধানৰ পৰিৱৰ্তন হ’লে ই অধিক বিপদজনক হ'ব পাৰে বুলি সন্দেহ ব্য়ক্ত কৰিছে ৷ উল্লেখ্য যে, কেৰালাত বিগত কেইবাদিন ধৰি ক’ভিড সংক্ৰমণৰ সংখ্য়া বৃদ্ধি হোৱাত স্বাস্থ্য বিভাগে উদ্বিগ্নতা প্ৰকাশ কৰিছে ৷ ৰাজ্যখনত শেহতীয়াকৈ অনুষ্ঠিত হোৱা স্থানীয় নিকায় নিৰ্বাচনৰ পাছত চৰকাৰে ক’ভিড সংক্ৰমণৰ ঘটনা কিছু বৃদ্ধি হোৱাৰ সন্দেহ কৰিছে ।

লগতে পঢ়ক :চিতাৰ জুইত বিলীন শ্বহীদ মৃত্যুঞ্জয় চুতীয়াৰ নিথৰ দেহ