নেশ্য়নেল ডেস্ক, 5 জুলাই :চলচ্চিত্ৰ নিৰ্মাতা লীনা মণিমেকলাইৰ আহিবলগীয়া তথ্যচিত্ৰ 'কালি'ৰ পোষ্টাৰ মুকলি হোৱাৰ পিছত বিশেষ চাইবাৰ চেলে ছবিখনৰ বিৰুদ্ধে ৰুজু কৰে এখন এজাহাৰ । ভাৰতীয় দণ্ডবিধিৰ ১৫৩(ক)আৰু ১৯৫(ক) ধাৰাৰ অধীনত দাখিল কৰে এজাহাৰ । এই সম্পৰ্কত শীঘ্ৰেই চাইবাৰ চেলে চলচ্চিত্ৰ নিৰ্মাতালৈ জাননী জাৰি কৰিব পাৰে ।
উল্লেখ্য যে, চলচ্চিত্ৰখনৰ এই পোষ্টাৰত মা কালীক বিকৃত ৰূপত উপস্থাপন কৰিছে । যাৰ পিছতেই চলচ্চিত্ৰ নিৰ্মাতা তথা পৰিচালক লীনা মণিমেকলাইৰ এই ছবিখনৰ পোষ্টাৰক লৈ ইতিমধ্যে ছ’চিয়েল মিডিয়াত বিতৰ্কই তোলপাৰ লগায় ৷
উল্লেখ্য যে, ছবিখনৰ এই পোষ্টাৰে হিন্দুসকলৰ ধৰ্মীয় আৱেগক আঘাত সনাৰ অভিযোগ উত্থাপন কৰিছে একাংশই । পৰিচালক লীনাই নিজৰ টুইটাৰ একাউন্টত শ্বেয়াৰ কৰিছিল ছবিখনৰ পোষ্টাৰ । ছবি নিৰ্মাতাগৰাকীয়ে টুইটাৰ যোগে ২ জুন অৰ্থাৎ শনিবাৰে পোষ্টাৰখন শ্বেয়াৰ কৰিছিল ৷ শ্বেয়াৰ কৰা পোষ্টাৰখনত অভিনেত্ৰীগৰাকীয়ে মা কালিৰ বস্ত্ৰ পৰিধান কৰি আৰু হাতত চিগাৰেট লৈ, ধূমপান কৰা পৰিলক্ষিত হৈছে (Maa Kali is shown smoking a cigarette)। লগতে এখন হাতত ত্ৰিশূল আৰু এখন হাতত এলজিবিটিকিউ সম্প্ৰদায়ৰ গৌৰৱৰ পতাকাও লৈ থকা পৰিলক্ষিত হৈছে ।