নিউজ ডেস্ক, ১১ মে' :কেন্দ্ৰীয় চৰকাৰৰ অধীনস্থ কৰ্মচাৰীসকলৰ দৰমহা ৩০ শতাংশ কৰ্তন কৰা হ'ব বুলি প্ৰকাশ পোৱা প্ৰতিবেদন অস্বীকাৰ কৰিছে কেন্দ্ৰীয় বিত্তমন্ত্ৰীয়ে । বিগত কিছুদিন পূৰ্বে কেতবোৰ সংবাদ প্ৰতিষ্ঠানে কেন্দ্ৰীয় চৰকাৰৰ সকলো কৰ্মচাৰীৰে দৰমহাৰ পৰা ৩০ শতাংশ ধন কৰ্তন কৰা হ'ব বুলি বাতৰি পৰিৱেশন কৰিছিল । এই সন্দৰ্ভত বিত্তমন্ত্ৰালয়ে স্পষ্টীকৰণ জাৰী কৰিছে ।
"কেন্দ্ৰীয় চৰকাৰৰ সকলো কৰ্মচাৰীৰ দৰমহা কৰ্তন কৰাৰ কোনো সিদ্ধান্ত গ্ৰহণ কৰা হোৱা নাই । এইসন্দৰ্ভত কিছুমান সংবাদমাধ্যমত প্ৰকাশ পোৱা তথ্য মিছা আৰু ইয়াৰ কোনো ভিত্তি নাই ।" টুইটযোগে জনায় বিত্তমন্ত্ৰীয়ে ।