নিউজ ডেস্ক, ১৬ এপ্ৰিল : উত্তৰ প্ৰদেশত সদ্য নিহত মাফিয়াৰ পৰা ৰাজনীতিবিদ হোৱা আতিক আহমেদৰ নামত আছিল ১০০-তকৈও অধিক এফআইআৰ (FIR against mafia Atiq Ahmed) । আনহাতে, ভাতৃ আশ্ৰফৰ বিৰুদ্ধে ৫৭ খনতকৈও অধিক এজাহাৰ থকা বুলি দেওবাৰে এজন আৰক্ষী বিষয়াই জানিবলৈ দিয়ে । উল্লেখ্য যে উত্তৰ প্ৰদেশৰ ঝান্সীত আৰক্ষীৰে সংঘৰ্ষত আতিক আহমেদৰ পুত্ৰ আছাদ নিহত হোৱাৰ দুদিন পিচতে উত্তৰ প্ৰদেশৰ প্ৰাক্তন সাংসদ আতিক আহমেদ আৰু তেওঁৰ ভাতৃ আশ্ৰফ আহমেদক প্ৰয়াগৰাজত কাৰাবন্দী অৱস্থাত শনিবাৰে চিকিৎসাৰ বাবে লৈ যোৱাৰ সময়ত হত্য়া কৰা হয় (UP Atiq Ashraf marder case) ।
উক্ত ঘটনাটো সংঘটিত হোৱাৰ পিচত উত্তৰ প্ৰদেশৰ মুখ্যমন্ত্ৰী যোগী আদিত্যনাথে এখন তিনিজনীয়া ন্যায়িক তদন্ত আয়োগ (judicial inquiry commission for Atiq murder case) গঠন কৰে আৰু বিষয়টোৰ উচ্চ পৰ্যায়ৰ তদন্তৰ নিৰ্দেশ দিয়ে (UP Chief Minister Yogi Adityanath) । আনহাতে, উত্তৰ প্ৰদেশ চৰকাৰে সমগ্ৰ ৰাজ্যখনতে ১৪৪ ধাৰা কাৰ্যকৰী কৰি ৰাজ্যিক আৰক্ষীক কঠোৰ সতৰ্কতা অৱলম্বনৰ নিৰ্দেশ দিছে ।
উত্তৰ প্ৰদেশ আৰক্ষীয়ে লগতে জনাইছে যে এই ঘটনাত ইতিমধ্যে তিনিজন লোকক গ্ৰেপ্তাৰ কৰা হৈছে । "তিনিজন লোকক গ্ৰেপ্তাৰ কৰা হৈছে । অধিক বিৱৰণ পৰৱৰ্তী সময়ত দিয়া হ'ব ।" আতিক আহমেদ আৰু তেওঁৰ ভাতৃ আশ্ৰফ আহমেদক গুলীয়াই হত্যা কৰাৰ পিচত এজন আৰক্ষী বিষয়াই এনেদৰে কয় (UP Police on Atiq Murder) ।