کارسیانگ:مغربی بنگال کی وزیراعلیٰ ممتابنرجی ان دنوں شمالی بنگال کے دورے پر ہیں۔شمالی بنگال کے دورے کے دوران وزیراعلیٰ کارسیانگ کا دورہ کیا جہاں مقامی باشندوں بالخصوص آدیباسوں سے ملاقات کی اور موجودہ صورتحال پر تبادلہ خیال کیا۔
اسی درمیان وزیر اعلیٰ ممتابنرجی نے کارسیانگ میں واقع چاہئے باغ میں دوسری خوارین مزدوروں کے ساتھ چائے پتی توڑنے کا کام کیا۔وزیراعلیٰ نے کہاکہ بہاڑ اور یہاں کے لوگ ان کے دلوں میں بستے ہیں۔چائے باغ کی خواتین مزدوروں نے وزیراعلیٰ ممتا بنرجی کو اپنے درمیان دیکھ کر بے حد خوش ہوئیں۔
وزیراعلیٰ ممتابنرجی نے کارسیانگ میں مقامی باشندوں کے ساتھ بات چیت کے دوران کہاکہ انہیں پہاڑ اور یہاں کے لوگوں سے محبت ہے۔وہ اکثر وبیشتر یہاں آتی ہیں۔یہاں آنے کا مقصد سیر و تفریح نہیں بلکہ مقامی باشندوں سے ملاقات اور ان کی پریشانیوں کو دور کرنا ہوتا ہے۔
یہ بھی پڑھیں:وزیراعلیٰ ممتابنرجی نے نام لئے بغیر بی جے پی کو پاکٹ مار کہا
انہوں نے کہاکہ چونکہ اس مرتبہ بالکل نجی دورے پر شمالی بنگال آئیں ہیں۔اسی وجہ سے مقامی باشندوں کے درمیان جانے کا زیادہ موقع ملا۔ ان سے بات چیت کرنے سے پتہ چلا کہ وہ بھی ہمارے انتظار میں تھے۔ممتابنرجی نے کہاکہ خوبصورت پہاڑوں میں بسا کارسیانگ اور یہاں کے لوگ دل سے خوبصورت ہیں۔اسی درمیان وزیراعلیٰ ممتابنرجی نے مقامی باشندوں کے درمیان کپڑے تقسیم کی۔
