مغربی بنگال کے تین اسمبلی حلقوں میں رواں ماہ 30 ستمبر کو ہونے والے ضمنی انتخابات کی تیاریاں زور شور سے جاری ہے۔
کولکاتا کے بھوانی پور سے ترنمول کانگریس کی امیدوار وزیراعلیٰ ممتا بنرجی کے علاوہ مرشدآباد کی دو سیٹیں جنگی پور اور شمشیر گنج پر ووٹنگ ہونی ہے اس لیے ان علاقوں میں سیاسی سرگرمیاں کافی عروج پر ہیں۔
اسی درمیان مرشد آباد ضلع کے شمشیر گنج سے کانگریس امیدوار زاہدالرحمن کو ضمنی انتخابات میں جیت کی پوری امید ہے کیونکہ ان کے خیال میں ووٹرز ان کے ساتھ ہیں۔
انہوں نے کہا کہ عوام سے کچھ بھی چُھپا نہیں ہے۔ ترنمول کانگریس کے حامیوں کی جانب سے مل رہی دھمکیوں کا جواب ووٹرز دیں گے کیونکہ ان کو ہی اپنے مستقبل کا فیصلہ کرنا ہے۔
واضح رہے کہ مغربی بنگال کے تین اسمبلی حلقوں میں رواں ماہ کے آخر میں 30 ستمبر کو ضمنی انتخابات کے لیے پولنگ ہونی ہے۔
