مغربی بنگال کے ندیا ضلع کے کلیانی میں واقع کلیانی میونسپل اسٹیڈیم میں ریئل کشمیر ایف سی اور سودیوا دہلی ایف سی کی ٹیمیں آمنے سامنے ہوئیں، دونوں ٹیموں کو ریلیگیش کے دلدل سے نجات پانے کے لیے اس میچ میں کسی بھی قیمت پر جیت لازمی تھی۔ دونوں ہی ٹیمیں اسی حصول کے تحت میدان میں اتریں تھی۔ کھیل کے 12 ویں منٹ پر ایس پال نے پنالٹی کو گول میں تبدیل کرکے سودیوا ایف سی کو ایک صفر کی سبقت دلانے میں اہم کردار ادا کیا۔ Sudeva Delhi FC Beat Real Kashmir FC
مگر 17 منٹ میں بی یو کوسائی کو پنالٹی کے ذریعہ اسکور برابر کرنے کا سنہرا موقع ملا۔ انہوں نے غلطی کئے بغیر گیند کو جال میں ڈال کر ریئل کشمیر ایف سی کو 1-1 گول کی برابری پر لا کھڑا کر دیا۔ پہلے ہاف کے اختتام پر دونوں ٹیمیں ایک ایک گول کی برابری پر رہیں۔ دوسرے ہاف میں بھی دونوں جانب سے جارحانہ کھیل دیکھنے کو ملا دونوں جانب سے پے در پے حملے کیے گئے۔ کھیل کے 80 ویں منٹ پر وین لال جودیکا نے گول کرکے سودیوا ایف سی کو 1۔2 کی برتری دلائی۔ ریئل کشمیر ایف سی کی ٹیم اسکور برابر کرنے کی مسلسل کوشش کرتی رہی۔ Sudeva Delhi FC vs Real Kashmir FC
- یہ بھی پڑھیں: I League 2021-22: آئی لیگ کا پہلا مرحلہ مکمل، گوکلم کیرالہ ایف سی کی پہلی پوزیشن برقرار
سودیوا ایف سی نے 1۔2 سے میچ جیت کر ریلی گیشن زون سے خود کو باہر نکالنے کی کوشش جاری رکھی۔ سودیوا ایف سی اس جیت کے ساتھ ریلی گیشن میں دوسری پوزیشن پر پہنچ چکی ہے جبکہ ریئل کشمیر ایف سی کا بھارتی فٹبال میں وجود ہی خطرے میں پڑ گیا ہے۔
