مغربی بنگال کے دارالحکومت کولکاتا میں واقع شہرہ آفاق محمڈن اسپورٹنگ کلب پہلی مرتبہ بھارت کے سب سے مشہور فٹبال ٹورنامنٹ آئی لیگ خطاب جیتنے کے قریب پہنچ چکا ہے۔
آئندہ 14 مئی کو محمڈن اسپورٹنگ اور دفاعی چیمپئن گوکلم کیرالہ ایف سی کے درمیان آئی لیگ 22-2021 چمپئن شپ کا خطابی معرکہ ہونا ہے. دونوں ٹیمیں خطابی جنگ کے لئے پوری طرح سے تیار ہے۔Muhammadan Sporting's Excellent Performance in the I-League Championship
محمڈن اسپورٹنگ کے جنرل سکریٹری دانش اقبال نے کہا کہ انہیں پورا یقین ہے کہ اس مرتبہ ان کا کلب آئی لیگ 22-2021 خطاب جیت کر بھارتی فٹبال میں نئی تاریخ رقم کر سکتا ہے۔
انہوں نے کہا کہ انشاء اللہ اس مرتبہ بھارتی فٹبال کی تاریخ میں ایک ایسا انوکھا واقعہ پیش آئے گا جو اس سے پہلے کبھی نہیں ہوا تھا، اس کے لئے ہم پرعزم ہیں، کلب کے ہزاروں شیدائیوں کی دعا بھی ہمارے ساتھ ہے۔
ان کا کہنا ہے کہ محمڈن اسپورٹنگ کی ٹیم نے اب تک عمدہ کارکردگی کا مظاہرہ کیا ہے، اور خطاب جیتنے کے لئے صرف ایک اور میچ یعنی اگلے مقابلے میں سابقہ کارکردگی کو دوہرانے کی ضرورت ہے،واضح رہے کہ آئی لیگ اس وقت آخری مرحلے میں ہے، آئندہ 14 مئی کو محمڈن اسپورٹنگ اور دفاعی چیمپئن گوکلم کیرالہ ایف سی کے درمیان آئی لیگ 22-2021 چمپئن شپ کا خطابی معرکہ ہونا ہے.
مزید پڑھیں:Danish Iqbal on Mohammedan Club: 'محمڈن اسپورٹنگ کی ترقی کے لئے حرام کا پیسہ استعمال نہیں کریں گے'
گوکلم کیرالہ ایف سی 17 میچ میں 40 پوائنٹ اور محمڈن اسپورٹنگ بھی اتنے ہی میچوں کے بعد 37 پوائنٹ کے ساتھ دوسری پوزیشن پر ہے، دونوں ٹیموں کے درمیان خطاب پر قبضے کی جنگ ہو گی. محمڈن اسپورٹنگ کو تاریخ رقم کرنے کے لئے فائنل میں میچ میں کسی بھی قیمت پر جیت درج کرنی ہوگی جبکہ گوکلم کیرالہ ایف سی کو خطاب کا دفاع کرنے کے لئے شکست سے بچنے کی ضرورت ہے
