مرشد آباد: مغربی بنگال کے ضلع مرشد آباد کے سوتی تھانہ علاقے میں واقع آہیرون پل پر سوشل میڈیا کے لئے ویڈیوز بناتے وقت مال گاڑی کی زد میں آکر تین طالب علموں کی موت ہوگئی۔ اس واقعہ سے علاقے میں افراتفری مچ گئی۔ طلبہ کی شناخت سمیع الشیخ، امرال شیخ اور ریاض شیخ کے طور پر ہوئی ہے۔ یہ سبھی سوتی تھانے کے تحت انگلش سہپارہ گاؤں کے رہنے والے ہیں۔ بتایا جاتا ہے کہ تینوں طالب علم اورنگ آباد کے ایک پرائیویٹ اسکول میں دسویں جماعت میں پڑھ رہے تھے۔
یہ بھی پڑھیں: دہلی میں ممتا بنرجی کی وزیر اعظم نریندرمودی سے ملاقات
ریلوے پولیس نے لاش کو پہلے ہی قبضے میں لے کر پوسٹ مارٹم کے لیے بھیج دیا ہے۔ المناک حادثے سے علاقے میں سوگ کی فضا چھا گئی۔ زخمیوں کے نام روہت شیخ اور آکاش شیخ ہیں۔ دونوں کو جنگی پور کے سب ڈسٹرکٹ ہسپتال میں داخل کرایا گیا ہے۔ مقامی باشندوں کا کہنا ہے کہ پانچوں طالب علم اپنے فیس بک پیج پر پوسٹ کرنے کے لیے ریلوے لائن پر کھڑے ہو کر ویڈیوز بنا رہے تھے۔انہوں نے مزید کہا کہ مال گاڑی کئی بار ہارن بجائی لیکن بچے ویڈیو بنانے میں اس قدر مصروف تھے کہ ہارن کی آواز نہیں سنی اور مال گاڑی کی زد میں آگئے
