سلی گوڑی، مغربی بنگال: وزیر داخلہ امت شاہ مغربی بنگال کے دو روزے کے پہلے دن شمالی 24 پرگنہ میں واقع سرحدی گاؤں ہنگل گنج پہنچے اور بارڈر سیکیورٹی فورسز کی تقریب میں شرکت کے دوران ندیوں پر ترتا ہوا بی ایس ایف آؤٹ پوسٹ کا افتتاح کیا. شمالی 24 پرگنہ کے ہنگل گنج میں تقریب میں شرکت کرنے کے بعد وزیر داخلہ امت شاہ سلی گوڑی پہنچے اور ان کے اعزاز میں منعقدہ تقریب سے خطاب کرتے ہوئے مغربی بنگال حکومت کو جلد ہی اکھاڑ پھینکنے کی بات کہی. انہوں نے کہا کہ پورے ملک میں مذہب کے نام پر سب سے زیادہ سیاست اگر کوئی کرتا ہے تو وہ وزیراعلیٰ ممتا بنرجی ہیں. ان سے زیادہ مذہب کے نام پر سیاست کرنے والا کوئی دوسرا نہیں ہے.ان کا کہنا ہے کہ ان کی اسی پالیسی کی وجہ سے ان کی حکومت کا خاتمہ ہوگا. CAA Will implement in Bengal after Covid-19 End
سلی گوڑی ضلع میں عوامی جلسے کو خطاب کرتے ہوئے وزیر داخلہ امت شاہ نے کہا کہ کورونا وائرس کے مکمل طور پر خاتمے کے فورا بعد مغربی بنگال شہریت ترمیمی ایکٹ نافذ کر دیا جائے گا کیونکہ اس ریاست کے لئے یہ قانون بہت ضروری ہے. انہوں نے کہا کہ شہریت ترمیمی ایکٹ مغربی بنگال میں ضرور نافذ ہو گا. مرکزی حکومت کو مناسب وقت کا انتظار ہے. جسے ہی وقت آئے گا پورے مغربی بنگال میں سی اے اے نافذ کر دیا جائے گا کیونکہ یہ بھارت کا قانون ہے.
یہ بھی پڑھیں:
- بی جے پی کے منشور میں سی اے اے کو نافذ کرنے کا وعدہ، عوام کا شدید رد عمل
- CAA Rules: 'سی اے اے قواعد بنانے کی مدت میں اضافہ ہوسکتا ہے'
دوسری طرف وزیراعلیٰ ممتا بنرجی نے کہا کہ پارلیمنٹ میں جب شہریت ترمیمی ایکٹ پاس ہو چکا ہے تو پھر اسے نافذ کرنے میں اتنی دیر کیوں کی جا رہی ہے. آپ ایک بار شہریت ترمیمی ایکٹ کو نافذ کرکے دیکھیں. انہوں نے کہا کہ سچائی یہ ہے کہ بی جے پی کی قیادت والی مرکزی حکومت بنگال میں شہریت ترمیمی ایکٹ کبھی بھی نافذ نہیں کرے گی. کیونکہ اسے پتہ ہے کہ شہریت ترمیمی ایکٹ اسے کتنا نقصان ہو سکتا ہے.
