علی گڑھ: ریاست اترپردیش کے ضلع علیگڑھ میں گزشتہ چار روز کی بارش نے علیگڑھ میونسپل کارپوریشن سمیت حکومت کے اسمارٹ سٹی اور بارش کے پانی سے نجات کے دعوؤں پر پانی پھیر دیا۔ پانی جما ہونے کی وجہ سے کئی لوگوں کی گاڑیاں پانی میں رک رہی ہیں تو وہیں طلباء و طالبات کو اسکول جانے انے میں پریشانی کا سامنا کرنا پڑ رہا تھا جس کے سبب مزید دو دن تعطیلات کا اعلان آج پھر کردیا گیا۔
علیگڑھ کے نچلے علاقوں میں سب سے زیادہ بارش کا پانی بھرا ہوا ہے ۔اس کے سبب اب مقامی لوگوں کو پینے کا پانی، بچوں کے لئے دودھ، کھانے پینے کے لئے بنیادی اشیاء اور آنے جانے کے لئے خاصی پریشانیوں کا سامنا کرنا پڑھ رہا ہے، کچھ علاقے جیسے شاہجمال، عید گاہ، اے ڈی اے کالونی، بھوجپورا، حقیم کی سرائے، جمالپور، جیون گھڑھ، تو تالاب میں تبدیل نظر آرہے ہیں جن کی ویڈیو سوشل میڈیا پر وائرل ہو رہی ہیں جہاں کے خاص کر مقامی لوگوں خاصی پریشانیوں کا سامنا کرنا پڑھ رہا ہے، بنیادی اشیاء کی خریدو فروغ ممکن ہی نہیں ہو پارہی ہے۔
یہ بھی پڑھیں:Waqf Board Survey مدھیہ پردیش وقف جی پی ایس جی آئی ایس سروے
مقامی لوگوں کا علیگڑھ میونسپل کارپوریشن پر الزام ہے کہ وہ عوام سے ٹیکس وصولی کی ترجیح دیتی ہے، عوام کی بنیادی ضروریات اور پریشانیوں پر نظر ہی نہیں رکھتی، مطالبہ کرتے ہوئے کہاکہ شاہجمال کے علاقے میں کتنا پانی بھرا ہوا ہے۔اس کو فورا پمپ کی مدد سے نکلوانے کا کام کرے، ہم لوگوں کو پینے کا پانی، دودھ، دوائیں اور کھانے پینے کی بنیادی اشیاء کی دستیابی کو یقینی بنایا جائے۔
وہیں علیگڑھ کے نو منتخب میونسپل کمشنر امیت اسیری نے گزشتہ شب سے مستقل بارش سے علاقوں میں پانی جما ہونے کا جائزہ لیا۔علاقوں میں بھارے ہوئے پانی کو پمپ کی مدد سے جلد نکالنے کو یقینی بنایا، ساتھ ہی پناہ گاہوں کا بھی جائزہ لیا،بارش سے متاثر علاقوں کے رہائشیوں کو منتقل کئے جانے کا منصوبہ ہے جیسا کہ موسم کی پیشن گوئی ہے کہ اگلے تین دن یعنی 25 ستمبر تک مزید بارش کا سامنا کرنا پڑھ سکتا ہے۔
