اتر پردیش اقلیتی کمیشن UP Minority Commission کے چئیرمین اشفاق سیفی نے لکھنو کے اندرا بھون میں ایک پریس کانفرس کرکے کمیشن کے مجلس عاملہ کی تشکیل کے ایک برس مکمل ہونے پر کمیشن کی کارکردگی شمار کرائی، ساتھ ہی کہاکہ اتر پردیش اسمبلی و پارلینمٹ میں آبادی کنٹرول قانون بنانے مطالبہ کروں گا۔ UP Minority Commission Demands Population Control Law
کمیشن کے چئیرمین سے جب یہ سوال کیا گیا کہ اہانت رسول معاملے میں ریاست کے متعدد شہروں میں اقلیتی طبقہ نے احتجاج کیا اس کے بعد اگنی پتھ اسکیم کے خلاف بھی مظاہرے ہوئے لیکن دونوں میں کاروائی یکساں نہیں ہوئی، مسلم طبقہ پر سخت کاروائی ہوئی یہ بھی الزام عائد ہوا کہ یکطرفہ کارروائی ہوئی لیکن کمیشن نے کوئی نوٹس نہیں لیا جس کے جواب میں انہوں نے کہا کہ قانون کو ہاتھ میں لینے والوں کے خلاف کارروائی ہوئی ہے۔'
انہوں نے مزید کہا کہ' ہم نے ریاست کا دورہ کیا اور متعدد دانشوروں سے گفتگو بھی کی کہ آبادی پر قابو پانے کا کیا راستہ ہوسکتا ہے جس پر مسلم دانشوروں نے اس پر قانون سازی کا مطالبہ کیا ہے۔ انہوں نے کہاکہ ہم مرکزی حکومت و ریاستی حکومت سے مطالبہ کریں گے کہ آبادی کنٹرول پر قابو پانے کے لیے قانونی سازی کریں'۔
مزید پڑھیں: