آزادی کی 75 ویں سالگرہ اور اس موقع پر ملک بھر میں منائے جارہے امرت مہتسو کے تحت ریاست اترپردیش کے شہر کانپور میں رات 12 بجتے ہی آزادی کا پہلا جھنڈا لہرا یا گیا، زبردست آتش بازی کے ساتھ ساتھ یو م آزادی کا جشن 15 اگست کے پہلے سیکنڈ سے ہی کانپور میں شروع ہوگیا۔
Independence day celebration in Kanpur
پورا ملک یوم آزادی کا پچھترویں سالگرہ امرت مہتسو کے نام سے دھوم دھام سے منا رہا ہے، لیکن کانپور میں امرت مہتسو کا جھنڈا 15 اگست کے پہلے سیکنڈ 14 اگست کو رات 12 بجتے ہی لہرا دیا گیا،چودہ اگست کی رات کوجھنڈا لہرانے کی یہ روایت انیس سو سینتالیس سے چلی آ رہی ہے، جب ملک کے لوگوں کو یہ پتہ لگا کہ ہندوستان آزاد ہوگیا ہے،اس وقت کانپور کے لوگوں نے رات 12 بجے ہی جھنڈا لہرا دیا تھا،اس وقت سے لے کر آج تک کانپور میں یہ روایت چلی آرہی ہے۔
کانپور کے مسٹبن روڈ پر چندر شیکھر آزاد کے مجسمہ کے پاس جھنڈا لہرا نے کی یہ رسم 14 اگست کی رات کو جشن کے ساتھ منائی جاتی ہے ۔
مزید پڑھیں:کانپور: 14 اگست رات 12 بجے ہی پرچم کشائی، 1947 سے روایت جاری
کانپور کے مسٹن روڈ پر روایتی یوم آزادی کا جھنڈا لہرانے کی رسم پورے جوش و خروش کے ساتھ منایاگیا، شہر کی سڑکوں پر آتشبازی ہوئی، مسٹن روڈ پر جھنڈا پلرا نے کی رسم کانگریس پارٹی کے رہنما کرتے چلے آ رہے ہیں۔
