سنبھل: ریاست اترپردیش کے ضلع سنبھل کے سرسی سادات میں ہر سال کی طرح اس سال بھی محرم کی آٹھ تاریخ کو جلوس نکالا گیا۔ جلوس کے دوران مقامی انجمنوں نے نوحہ خوانی اور ماتم سینہ زنی کی۔ صبح چار بجے سے فجر کی نماز تک جلوس نکالا گیا۔ یہ جلوس حضرت عباس کی یاد میں نکالا جاتا ہے کیوں کہ کربلا کے میدان میں جب اہل بیت پر پانی بند کردیا گیا، حضرت عباسؓ ہی تھے جو نہرِ فرات تک پہنچے تھے لیکن پیاس کی شدت کے باوجود انہوں نے پانی کا قطرہ بھی اپنے لبوں سے نہیں لگایا، کیونکہ میدان کربلا میں حضرت امام حسینؓ کے خیموں میں چھوٹے چھوٹے بچے تھے جو کئی روز سے پیاسے تھے۔ حضرت عباس نے خیموں میں پانی لے جانا چاہا لیکن یزیدی لشکر نے انہیں روک لیا۔ حضرت عباس کے بازوں کو جدا کردیا، اور حضرت عباس کو شہید کردیا۔ عزاداروں نے ماتم اور نوحہ خوانی کرکے علم کی زیارت کی اس جلوس میں نوجوان بچے بزرگ اور خواتین بھی شامل رہیں۔
یہ بھی پڑھیں: Muharram 2022: مرادآباد میں سات محرم کا جلوس برآمد
