دہلی سے متصل نوئیڈا میں واقع نوئیڈا کالج آف فزیکل ایجوکیشن کیمپس میں قومی جونیئر ریسلنگ چیمپین شپ کا آج آغاز کیا گیا۔
اس دوران انڈین ریسلنگ فیڈریشن آف انڈیا کے صدر برج بھوشن شرن سنگھ نے اس چمپئن شپ کا افتتاح کیا۔
اطلاعات کے مطابق کالج گراؤنڈ میں ہونے والے اس فری اسٹائل قومی چیمپین شپ میں ملک کے مختلف ریاستوں کے 30 ٹیموں کے 600 سے زائد پہلوان اپنی قسمت آزمائی کریں گے۔
ویڈیو
اس موقع سے ریسلنگ چیمپین شپ کے آرگنائزر سشیل راجپوت نے بتایا کہ 'نیشنل چمپیئن شپ میں بھارت کے کئی ابھرتے ہوئے انٹرنیشنل پہلوان بھی شرکت کر رہے ہیں۔'
انہوں نے یہ بھی بتایا کہ کووڈ گائڈ لائن کے مطابق چیمپین شپ کے دوران کھلاڑیوں کی تمام سہولیات کا خیال رکھا گیا ہے ۔
