مظفرنگر: کسان کی ضلع مجسٹریٹ کے دفتر میں خودکشی کی کوشش

ڈاکٹر نوید بنسل نےکہا کہ 'ہمارے پاس ایک مریض اندر پال ولد سریندر پال گاؤں نوناکھیڑی تھانہ تیتاوی داخل کیا گیا ہے، جس نے زہریلا کیمیکل پی لیا۔ حالت تشویشناک ہے۔ ہمارے ذریعے اس کا علاج چل رہا ہے۔ اگر حالت اور بگڑتی ہے تو اسے ہم میرا میرٹھ ہائی سنٹر ریفر کردیں گے۔'

اترپردیش کے ضلع مظفرنگر ہفتے کی صبح ایک کسان نے زمینی تنازعہ کے حوالے سے ضلع مجسٹریٹ کے دفتر کے احاطے میں جا کر زہریلا کیمیکل پی لیا۔ زہر پینے کے بعد کسان کی حالت بگڑ گئی۔ کسان کے زہر پینے کی خبر سے کلکٹریٹ میں افراتفری پھیل گئی۔ مجسٹریٹ دفتر پر تعینات پولیس اہلکاروں نے متاثر کسان کو علاج کے لیے ضلع اسپتال بھیج دیا۔

کسان اندر پال ولد سریندر پال گاؤں نوناکھیڑی تھانہ تیتاوی کے رہائشی نے زمینی تنازعہ کے حوالے سے ضلع کلیکٹریٹ کے احاطے میں آ کر زہریلا کیمیکل پی لیا۔

گاؤں کے لوگوں کا کہنا ہے کہ زمینی تنازعہ کو لے کر وہ کافی پریشان تھا اور کئی دنوں سے اپنی پریشانی کے سبب دفتر ضلع انتظامیہ کے مسلسل چکر کاٹ رہا تھا تاہم اس کی پریشانی کا کوئی حل نہیں نکل سکا اور پریشان حال کسان نے مجبور ہوکر آج ضلع کلکٹریٹ میں زہر پی لیا۔

ضلع اسپتال ایمرجنسی کے ڈاکٹر نوید بنسل کا کہنا ہے کہ 'ایک مریض ہمارے پاس اندر پال ولد سریندر پال گاؤں نوناکھیڑی تھانہ تیتاوی کا آیا ہے، جس نے زہریلا کیمیکل پی لیا ہے۔ حالت تشویشناک ہے۔ ہمارے ذریعے اس کا علاج چل رہا ہے اگر حالت اور بگڑتی ہے تو اسے ہم میرا میرٹھ ہائی سنٹر ریفر کردیں گے۔'