میرٹھ: ملک میں کورونا کے معاملے میں تیزی سے اضافہ ہورہا ہے۔ اس کے پیش نظر طبی سامانوں کی کالابازاری بھی عروج پر ہے۔
اس دوران کورونا کے مریضوں کی جان بچانے کے لیے بازاروں میں آکسیجن اور آکسی فلو میٹر کی مانگ تیزی سے بڑھی ہے جس کو دیکھتے ہوئے میرٹھ کے بازاروں میں آکسی فلو میٹر کی بلیک مارکیٹنگ کرکے موٹی رقم وصول کی جارہی ہے حالانکہ بلیک مارکیٹنگ کو روکنے کے لیے پولیس بھی مسلسل کارروائی کررہی ہے۔
اسی ضمن میں گزشتہ روز میرٹھ کرائم برانچ نے خفیہ اطلاع کے بنیاد پر میرٹھ کے تھانہ لساڑی گیٹ علاقے سے غیر قانونی طریقے سے چلائے جارہے آکسیجن فلو میٹر تیار کر نے والی فیکٹری کا انکشاف کیا ہے۔
وہیں پولیس نے آکسیجن فلو میٹر تیار کرنے والے گروہ کے سرغنہ عمران اور اس کے چھ ساتھیوں کو بھی گرفتار کیا ہے جس سے پوچھ گچھ جاری ہے۔
جانکاری کے مطابق یہ گروہ کورونا وبا کا فائدہ اٹھاتے ہوئے غیر قانونی طور سے فلو میٹر تیار کرتا تھا اور بازار میں 1000 سے 1200 روپے کی قیمت وصول کرتا تھا۔
