اترپردیش اسمبلی انتخابات 2022 Uttar Pradesh Election کے پہلے مرحلہ کے تحت مغربی اتر پردیش میں 10 فروری کو ووٹنگ ہوگی جبکہ میرٹھ میں گذشتہ روز پرچۂ نامزدگی داخل کرنے کے آخری دن مختلف سیاسی جماعتوں کے امیدواروں نے اپنی نامزدگی درج کرائیں، وہیں پرچۂ نامزدگی کے لیے پہنچے ہسٹری شیٹر و گینگسٹر بھوپیندر بافر نے کلکٹریٹ پہنچ کر میرٹھ کی سوال خاص اسمبلی سیٹ سے اپنا پرچۂ نامزدگی داخل کردیا۔ Azad Samaj Party Nominated Gangster Bhupendra Bafar
مغربی اترپردیش میں جرائم کی دنیا میں اپنی پہچان بناچکے ہسٹری شیٹر و گینگسٹر بھوپیندر بافر نے اب سیاسی میدان میں بھی اپنی پہچان قائم کرنے کے لیے آج میرٹھ کی سوال خاص اسمبلی سیٹ سے آزاد سماج پارٹی کی نمائندگی کرتے ہوئے پرچۂ نامزدگی داخل کرکے سوال خاص حلقہ کے انتخابات کو دلچسپ بنادیا ہے۔
ایک درجن سے زیادہ مقدمات کے ملزم بھوپیندر بافر کا کہنا ہے کہ ان پر جتنے مقدمے چل رہے ہیں ان سے زیادہ بی جے پی رہنماؤں پر مقدمات ہیں۔ انہوں نے سیاست میں قدم رکھنے کی وجہ بتاتے ہوئے کہا کہ وہ عوام کی خدمت کرنا چاہتے ہیں۔
یہ بھی پڑھیں:
اترپردیش انتخابات میں آزاد سماج پارٹی کی جانب سے میرٹھ کی سوال خاص سیٹ سے بھوپیندر بافر کو امیدوار بنائے جانے کے بعد اس حلقہ میں مقابلہ کافی دلچسپ ہوگیا ہے تاہم یہاں پرامن رائے دہی کرانا پولیس و انتظامیہ کے لیے بھی ایک چیلینج ہے۔
