Akhilesh Yadav Criticizes BJP: علی گڑھ میں اکھلیش یادو کا بی جے پی پر تنقید

اترپردیش کے سابق وزیر اعلیٰ اکھیلیش یادو نے علی گڑھ میں بی جے پی پر طنزAkhilesh Yadav criticizes BJP کرتے ہوئے کہا کہ 'بی جے پی کے دور حکومت میں عام لوگ پریشان ہیں۔ نوجوانوں پر لاٹھی چارج کسانوں پر گاڑیاں چڑھائی جارہی ہے۔

اترپردیش کے ضلع علی گڑھ کے کوارسی کے قریب ایک پرائیویٹ لاج میں سماجوادی پارٹی کی جانب سے ایک پریس کانفرنس کا انعقاد کیا گیا جس میں یوپی کے سابق وزیر اعلی اکھلیش یادو نے موجودہ حکومت بی جے پی پر جم کر تنقید کی۔

اکھلیش یادو نے پریس کانفرنس کے دوران موجودہ حکومت پر طنز کرتے ہوئے کہا کہ 'بی جے پی کے دور حکومت میں عام لوگ پریشان ہیں۔ نوجوانوں پر لاٹھی چارج کسانوں پر گاڑیاں چڑھائی جارہی ہے۔

ایک سوال کا جواب دیتے ہوئے اکھلیش یادو نے کہا کہ اس بار سماجوادی پارٹی 400 سیٹیں جیت کر حکومت بنائے گی۔ اتر پردیش کا اسمبلی انتخابات بھائی چارہ بنام بھارتی جنتا پارٹی ہے۔

اعظم خان اور ان کی رہائی سے متعلق کئی مرتبہ سوال پوچھنے کے بعد مختصر جواب دیتے ہوئے اکھلیش یادو نے کہا کہ ہم اعظم خاں کی پوری مدد کر رہے ہیں، قانونی مدد بھی کر رہے ہیں۔

وہی علی گڑھ مسلم یونیورسٹی میں میں جناح کی تصویر سے متعلق سوال کا جواب دیتے ہوئے اکھلیش یادو نے کہا یہ وقت ان سوالات کا نہیں ہے۔

اکھلیش یادو نے کہا مجھے امید ہے ضلع علی گڑھ کی ساتوں اسمبلیوں سے سماجوادی پارٹی کے امیدواروں کامیاب ہوں گے اور بی جے پی حکومت پر تالا لگانے کا کام علی گڑھ کی عوام کرے گی۔