ریاست اترپردیش کے ضلع میرٹھ کی شاہی جامع مسجد میں شرائط کے ساتھ آج 200 مصلیان نے جمعہ کی نماز ادا کی۔
ملک میں کورونا انفیکشن کے خطرے کو دیکھتے ہوئے حکومت کی جانب سے عبادت گاہوں میں ابھی تک 100 افراد کو ہی نماز ادا کرنے کی اجازت تھی۔ لیکن علماء کرام کی درخواست پر اب سبھی مذاہب کی عبادت گاہوں میں 100 سے بڑھا کر 200 کر دیے جانے سے عوام نے خوشی کا اظہار کیا۔
یہ بھی پڑھیں: جمعیۃ علماء ہند کی کوشش سے مزید 6 افراد کی ضمانت منظور
وہیں، میرٹھ کی شاہی جامع مسجد میں آج 200 مصلین نے نماز جمعہ ادا کی۔ اس موقع پر علماء کرام کے علاوہ مصلین نے خوشی کا اظہار کیا اور امید ظاہر کی کہ اسی طرح آنے والے دنوں میں 200 لوگوں کی شرائط کو بھی ختم کر دیا جائے گا اور حالات بہتر ہوجائیں گے۔
حکومت کی جانب سے جاری کردہ رہنمایانہ ہدایات اور شرائط پر عمل کرتے ہوئے سبھی مساجد میں نماز ادا کی جا رہی ہیں اور ساتھ ہی دعا بھی کی جا رہی ہیں کہ جلد ہی کورونا وبا سے نجات ملے۔
