تلنگانہ میں سرمایہ کاری کو راغب کرنے وزیر تارک راما راو کی قیادت میں وفد امریکہ روانہ ہوا۔ Minister KTR America Tour
تلنگانہ کے وزیر انفارمیشن ٹکنالوجی کے تارک راما راو امریکہ روانہ ہوئے وفد کی قیادت کررہے ہیں تاکہ ریاست کے لئے عالمی کمپنیوں سے سرمایہ کاری کو راغب کرنے کی کوشش کی جاسکے۔
تلنگانہ کا یہ وفد ہفتہ کی صبح حیدرآباد سے امریکہ کیلئے روانہ ہوگیا۔یہ وفد جن امریکی شہروں کا دورہ کرے گا ان میں لاس اینجلس،سین ڈیاگو،سان جوس، بوسٹن اورنیویارک شامل ہے۔
وزیرتارک راما راو نے ایک ہفتہ کے اس دورہ کا ایجنڈہ تیار کیا ہے وہ امریکہ میں سرکردہ کمپنیوں کے انتظامیہ سے ملاقات کریں گے اور ان سے تبادلہ خیال کریں گے۔وہ ریاست کی ترقی پذیر پالیسیوں کے بارے میں واقف کروائیں گے اور تلنگانہ میں صنعت دوست سرمایہ کاری کے فائدوں سے واقف کروائیں گے۔ان کے ساتھ تلنگانہ کے پرنسپل سکریٹری برائے آئی ٹی جئیش رنجن کے ساتھ ساتھ دیگر شامل ہیں۔
یواین آئی
