حیدرآباد: وزیر اعظم نریندر مودی کی حیدرآباد میں بھارت راشٹرا سمیتی (بی آر ایس) کی جانب سے جمعہ کو لگائے گئے ایک بڑے ہورڈنگ میں لکھا ہے کہ 'پریوار استقبال کرتا ہے مودی'۔ ہورڈنگ میں درجنوں بھارتیہ جنتا پارٹی (بی جے پی) کے رہنماؤں کی تصویر ہیں جن کے ماں باپ یا بچے سیاست میں ہیں۔ ہورڈنگ میں وزیر داخلہ امت شاہ، وزیر دفاع راجناتھ سنگھ، پیوش گوئل، دھرمیندر پردھان، کرن رجیجو اور جیوتی رادتیہ سندھیا شامل ہیں۔ ایک اور ہورڈنگ میں بدعنوانی کو لے کر وزیر اعظم نریندر مودی پر تنقید کی گئی۔ مختلف ریاستوں میں بھارتیہ جنتا پارٹی سے منسلک بدعنوانی معاملوں کو اجاگر کرتے ہوئے بھارت کے نقشہ کے ساتھ ہورڈنگ میں لکھا ہے کہ ' بی جے پی اچیومنٹ ویلکم مودی جی'۔ چونکہ وزیر اعظم نریندر مودی اکثر خاندانی حکمرانی اور بدعنوانی کو لے کر تلنگانہ کے وزیر اعلی کے چندر شیکھر راؤ پر تنقید کرتے ہیں، اس لیے اس بار ان کے دورے سے قبل بھارت راشٹر سمیتی نے جوابی حملہ کیا ہے۔
وزیر اعظم مختلف انفراسٹرکچر پروجیکٹوں کا آغاز کرنے کے لیے ہفتہ کو حیدرآباد پہنچ رہے ہیں۔ وہ ایک جلسہ عام سے بھی خطاب بھی کریں گے۔ وہ 11,300 کروڑ روپے سے زیادہ کے پروجیکٹوں کا افتتاح، سنگ بنیاد رکھیں گے۔ وزیر اعظم مودی سکندرآباد جائیں گے جہاں وہ سکندرآباد-تروپتی وندے بھارت ایکسپریس کو ہری جھنڈی دکھاکر روانہ کریں گے۔ وہ آل انڈیا انسٹی ٹیوٹ آف میڈیکل سائنسز (ایمس) بی بی نگر میں نئے بلاکس کا سنگ بنیاد رکھیں گے اور ریلوے اور ہائی وے کے مختلف پروجیکٹوں کا بھی افتتاح کریں گے۔ وزیر اعظم مودی کے گزشتہ دورے کے دوران پوسٹر وار بھی دیکھا گیا تھا۔جن میں بی آر ایس نے ایندھن کی قیمتوں میں اضافہ، نوٹ بندی اور تلنگانہ سے کئے گئے وعدوں کو پورا کرنے میں ناکامی پر ان کا مذاق اڑایا تھا۔
یہ بھی پڑھیں : Poster War in Hyderabad حیدرآباد میں مودی کے خلاف بی آر ایس کا پوسٹر وار
