جی ایم آرحیدرآبادانٹرنیشل ایرپورٹ لمیٹیڈ (جی ایچ آئی اے ایل)نے تلنگانہ اوورسیز مین پاور کمپنی لمیٹیڈ(ٹام کام)کے ساتھ اشتراک کرتے ہوئے شہر حیدرآباد کے شمس آبادایرپورٹ پر مائیگرنٹ ہیلپ ڈیسک کا قیام عمل میں لایاہے جو 24گھنٹے کام کرے گا۔یہ ڈیسک بیرونی ممالک بالخصوص کوویت اورقطر سفر کرنے والے غیر محفوظ ورکرس کیلئے ہوگا۔اس ہیلپ ڈیسک کو تجرباتی بنیاد پر چلایاجارہا تھا تاہم اب اس کو آج رانی کمودنی اسپیشل چیف سکریٹری کی جانب سے مکمل طورپر کارکرد کیاگیا ہے۔ Migrant Help Desk at Shamshabad Airport
قانونی طورپر نقل مکانی اور تحفظ کے سلسلہ میں بیداری کے لئے ہیلپ ڈیسک مددگارثابت ہوگا اور غیر محفوظ مزدوروں جیسے گھریلو کام کرنے والوں اورلیبرس کو مناسب دستاویزات اور ایمگریشن کلیرنس کے لئے درکارکاغذی کارروائی کے سلسلہ میں رہنمائی کی جائے گی۔یہ ہیلپ ڈیسک انٹرنیشنل ڈپارچرٹرمنل میں دستیاب ہوگا اور24گھنٹے کام کرے گا۔ایک پریس ریلیز میں یہ بات بتائی گئی۔اس موقع پر پردیپ پانیکر نے کہاکہ گذشتہ چند برسوں سے حیدرآباد سے مشرق وسطی سفر کرنے والے مزدوروں کی تعداد میں بتدریج اضافہ ہوا ہے۔
یواین آئی
