پشمینہ کے کاریگروں کا پاور لوم ملس کے خلاف احتجاج

جموں و کشمیر کے ضلع سرینگر میں پشمینہ ھینڈ میڈ ویورس یونیئن اور کاریگر یونین کشمیر کی جانب سے آج سرینگر کی پریس کالونی میں مشترکہ طور پر احتجاج کیا گیا۔

احتجاج کے دوران پاور لومس ملس کو بند کرنے کا مطالبہ کیا گیا۔ احتجاجیوں کا الزام ہے کہ پاور لومس مل کی جانب سے پشمینہ تیار کیا جارہا ہے۔ جس سے پشمینہ کا وجود ختم ہو رہا ہے۔

وہیں پشمینہ ہینڈ میڈ یونیئن کے نائب صدر ہلال احمد نے بتایا 'گذشتہ کئی برسوں سے پشمینہ صعنت کاری سے ہم اپنا روزگار چلا رہے ہیں۔ ایسے میں پاور لومس کی جانب سے ہمارے روزگار کے ساتھ ساتھ پشمینہ کے وجود کو بھی ختم کیا جارہا ہے'۔

انہوں نے انتطامیہ سے اپیل کی کہ وہ پاور لومس ملس جو پشمینہ تیار کر رہی ہیں۔ ان کے خلاف کارروائی کی جائے۔