جنوبی کشمیر کے پہاڑی ضلع شوپیان کے بالائی اور میدانی علاقوں میں شدید برفباری کی وجہ سے درجہ حرارت میں نمایاں کمی درج کی گئی ہے، شدید برفباری باری کی وجہ سے لوگوں کی مشکلات میں بھی اضافہ ہوا ہے۔
برفباری سے وادی کے طول و عرض میں معمولات زندگی متاثر ہوئی ہے، اتوار کی صبح سے جاری برفباری کی وجہ سے سرینگر جموں شاہراہ سمیت درجنوں رابطہ سڑکیں بھی بند ہیں، اور بجلی کی سپلائی بھی کافی متاثر ہے، اس کے علاوہ کم روشنی کی وجہ سے سرینگر کے بین الاقوامی ہوائی اڈے پر فضائی ٹریفک بھی گزشتہ تین روز سے متاثر ہے۔
شوپیاں ضلع انتظامیہ کی جانب سے رابطہ سڑکوں سے برف ہٹانے کا کام صبح سے ہی جاری ہے، لیکن مسلسل برفباری کی وجہ سڑکوں پر سے برف ہٹانے کے کام میں کافی مشکلات کا سامنا کرنا پڑرہا ہے، ضلع شوپیان کے میدانی علاقوں میں تین فٹ جبکہ پہاڑی علاقوں میں 4 سے 6 فٹ برفباری درج کی گئی ہے۔
مزید پڑھیں:
کشمیرمیں برفباری کا تیسرا دن، معمولات زندگی مفلوج
سرینگر: لوگوں سے نجی گاڑیوں کے استعمال سے پرہیز کرنے کی اپیل
