جموں کے ضلع ریاسی میں غیر قانونی کان کنی کو روکنے کے لئے کٹرا پولیس کے ذریعہ ایک مہم چلائی گئی، ایک ہفتے کے اندر کان کنی کے کاروبار میں استعمال ہونے والی تین گاڑیاں ضبط کے ساتھ 92000 روپے جرمانہ عائد کیا گیا۔
محکمہ مائننگ کے توسط سے ضلع کے ایک سرکاری ترجمان نے بتایا کہ ندی کی تراشی میں بھاری مشینری کے استعمال پر پابندی عائد کرنے کے لئے ڈی سی ریاسی کے احکامات کو مدنظر رکھتے ہوئے ضلع میں چیکنگ آپریشن کیا گیا۔
یہ مہم ایس ڈی پی او کٹرا کلجیت سنگھ، ایس ایچ او کٹرا سنیل شرما اور پولیس پوسٹ انچارج کاکڈیال عمران علی نے چلائی۔ یہ ساری کارروائی ایس ایس پی کٹرا امت بھاسن کی سربراہی میں ایس ایس پی ریاسی رشمی وزیر کی ہدایت پر کی گئی۔
