ریاست راجستھان میں بالی وڈ اداکارہ کنگنا رناؤت کے خلاف احتجاجی مظاہرہ کیا گیا، یہ احتجاجی مظاہرہ دارالحکومت جے پور کے کلیکٹریٹ سرکل پر کیا گیا۔
واضح رہے کہ یہ احتجاجی مظاہرے میں شیوسینا کی قیادت میں مہاراشٹر کے وزیراعلیٰ ادھو ٹھاکرے اور کنگنا رناؤت کی جانب سے جس طرح سے بیان بازی کی جارہی ہے اور کنگنا کو مختلف ناموں سے پکارا جارہا ہے اس کے خلاف تھا۔
اس احتجاجی مظاہرے میں شامل تمام لوگوں نے یہ مطالبہ کیا کہ کنگنا رناؤت کے خلاف جلد سے جلد کاروائی کو عمل میں لایا جائے۔
جے پور سے شیو سینا کے کارکن کا کہنا ہے کہ گزشتہ چند روز سے بالی ووڈ اداکارہ کنگنا رناؤت کو رانی لکشمی بائی کے نام سے پکارا جارہا ہے جو کسی بھی صورت حال میں صحیح نہیں ہے۔
احتجاجی خاتون کا کہنا ہے کہ 'رانی لکشمی بائی ہم لوگ ہیں وہ لوگ نہیں جو جو ڈانس کرتے ہیں، انہیں اس مقدس نام سے نہیں پکارا جانا چاہیے'۔
احتجاجی خواتین کا کہنا تھا کہ آج کنگنا کی جانب سے جس طرح سے مہاراشٹر کے وزیراعلیٰ کو لے کر بیان بازی کی جارہی ہے وہ غلط ہے اور آئین کے خلاف بھی۔
خواتین نے احتجاجی مظاہرے کے بعد میں جے پور ضلع کلیکٹر کو شیو شینا کی جانب سے میموریڈم بھی دیا گیا۔
