ریاست راجستھان کے اجمیر میں محکمہ موسمیات کے انتباہ کے بعد شہریوں میں بیداری دیکھی جا رہی ہے، گزشتہ 24 گھنٹوں سے اجمیر میں موسم کا مزاج بدلا ہوا نظر آ رہا ہے۔ آسمان پر بادل چھائے ہوئے ہیں، ٹھنڈی ہواؤں کے ساتھ ہلکی بارش ہو رہی ہے۔
ایک جانب موسم خوشگوار ہے تو وہیں دوسری طرف طوفان کا خوف بھی لوگوں میں دیکھا جا رہا ہے۔ اجمیر ضلع کے سب سے بڑے ہسپتال میں بجلی کے نظام میں کوئی خلل پیدا نہ ہو، اس کے لیے بجلی اور آکسیجن کا معقول انتظام بھی کر دیا گیا ہے۔ کورونا وبا اور سمندری طوفان کے سبب مقامی لوگ بھی احتیاط برت رہے ہیں اور خود کی حفاظت کے لیے بیدار نظر آرہے ہیں۔
محکمہ موسمیات نے امکان جتایا ہے کہ دوپہر کے بعد راجستھان کے مغربی علاقوں میں داخل ہو سکتا ہے۔ جس کے سبب تیز بارش ہونے کا بھی امکان ظاہر کیا جا رہا ہے۔
محکمہ موسمیات نے کہا ہے کہ طوفان کا سب سے زیادہ اثر جودھپور، ادے پور، سیر وہی اور اس کے آس پاس کے علاقوں میں ہو سکتا ہے۔
