خلیفہ اول سیدنا ابوبکر صدیق رضی اللہ تعالیٰ عنہ کا عرس آثار شریف کوثر بل، ترال میں عقیدت و احترام کے ساتھ منایا گیا۔ عقیدتمندوں کی ایک بڑی تعداد نے شب خوانی میں حصہ لیا اور عالم اسلام کے لیے دعائیں مانگیں۔
کوثر بل ترال میں حضرت ابو بکر صدیق کا عرس عقیدت و احترام سے منایا گیا
جمعہ کو ہر نماز کے بعد تبرکات کی نشاندہی کی گئی۔ رات بھر درود و اذکار اور وعظ و تبلیغ کی مجالس آراستہ کی گئیں جس دوران علمائے کرام نے حضرت ابوبکر صدیقؓ کی سیرت مبارکہ پر مفصل روشنی ڈالی۔
ای ٹی وی بھارت کے ساتھ بات کرتے ہوئے ادارہ اوقاف آثار شریف کوثربل کے سیکرٹری نے بتایاکہ 'عرس کی تقریب انتہائی عقیدت و احترام کے ساتھ منائی گئی اور ترال کی انتظامیہ نے زائرین کے لیے معقول انتظامات کیے تھے۔'
